ალექსანდრე ხუნდაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი, სპეციალობით ელექტრული ქსელები და სისტემები, ინჟინერ-ელექტრიკოსის კვალიფიკაციით 1963 წელს.

მუშაობა დაიწყო კვების მრეწველობის გაშვება-გაწყობის სამმართველოში. 1967-1974წწ. - საქართველოს ენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში უმცროსი მეცნიერ-თანამშრომელი, უფროსი მეცნიერ-თანამშრომელი; 1974-1977წწ. სწავლობდა ამავე ინსტიტუტის ასპირანტურაში; 1979 წლიდან - "საქენერგოში" ექსპლუატაციის სამსახურის უფროსი, იმედიანობის სამსახურის უფროსი; 1995-2002წწ. - "საქენერგოს" ქვემო ქართლის ელექტრული ქსელების დირექტორი; 2002-2012წწ. - "საქართველოს სახელმწიფო ელექტროსისტემის" აპარატში სხვადასხვა თანამდებობები. გამოქვეყნებული აქვს სამეცნიერო ნაშრომები, სტატიები სხვადასხვა სამეცნიერო ჟურნალებში. 1992 წელს მივლინებული იყო აფხაზეთში, მონაწილეობდა სოხუმისათვის ელექტროენერგიის მიწოდების აღდგენით სამუშაოებში. მონაწილეობდა ჭუბერიდან თბილისში დევნილების გადმოყვანაში.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.442-443