თეიმურაზ ჯავახიშვილი

დაბადების ადგილი: სოფელი კოჯორი, გარდაბნის რაიონი.

დაამთავრა საქართველოს პოლიტექნიკური ინსტიტუტი სპეციალობით "სამთო სამუშაოების ელექტრიფიკაცია და ავტომატიზაცია" 1969 წელს და მიენიჭა სამთო ინჟინერ-ელექტრიკოსის კვალიფიკაცია.

1969-1972წწ. მუშაობდა საქართველოს მეცნიერებათა აკადემიის სამთო მექანიკის ინსტუტიტში ინჟინრის, უმცროსი მეცნიერ-თანამშრომლის თანამდებობებზე; 1972-1975წწ. სწავლობდა მოსკოვის სამთო ინსტიტუტის ასპირანტურაში; 1976 წელს დაიცვა საკანდიდატო დისერტაცია; 1976 წლიდან - საქართველოს ტექნიკური უნივერსიტეტი, ასისტენტი, დოცენტი, ასოცირებული პროფესორი; 2009 წლიდან - საქართველოს ტექნიკური უნივერსიტეტის პროფესორი; 2006 წლიდან - საქართველოს ნავთობისა და გაზის კორპორაციაში საპროექტო-საკონსტრუქტორო სამსახურის უფროსი; მისი უშუალო მონაწილეობითა და ძალისხმევით კორპორაციაში პირველად ჩამოყალიბდა კვალიფიციური კადრებით დაკომპლექტებული მაგისტრალური გაზსადენების, ნავთობისა და გაზის ინდუსტრიის სხვა ობიექტების საპროექტო-საკონსტრუქტორო სამსახური; აქვს რვა საერთაშორისო სერთიფიკატი ენერგოეფექტურობის დარგში; 100-ზე მეტი გამოქვეყნებული ნაშრომის ავტორი; 1998-2005 წლებში ექსპერტად თანამშრომლობდა "ჯეოინჟინერინგთან" და საქართველოს ენერგოეფექტურობის ცენტრთან. ტექნიკის მეცნიერებათა დოქტორი (2006), პროფესორი (2009).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.448

• საერთაშორისო ელექტროტექნიკური კომიტეტის საქართველოს ეროვნული კომიტეტი, წევრი (2013-)

• საქართველოს მაგისტრალური ნავთობ- და გაზსადენები : მონოგრაფია (თანაავტორი) // ნაწ. 1, მაგისტრალური მილსადენების ფუნქციონირების ტექნოლოგიური, ეკონომიკური, სამართლებრივი და გეოპოლიტიკური ასპექტები. ნაწ. 2, მაგისტრალური მილსადენების დაპროექტებისა და მშენებლობის საფუძვლები. - თბილისი, მერიდიანი, 2012. - 664გვ.. - ISBN: 9789941105579