ბენიამინ ჯანელიძე

დაბადების ადგილი: სოფელი მარანი, სამტრედიის რაიონი.

დაამთავრა საქართველოს პოლიტექნიკური ინსტიტუტის ელექტრომექანიკური ფაკულტეტი 1929 წელს.

მუშაობდა რიონჰესის მშენებლობაზე ინჟინრად. მისი შემდგომი საქმიანობა 40 წლის განმავლობაში დაკავშირებულია საქართველოს ჰიდროენერგეტიკის განვითარებასთან. წლების განმავლობაში მუშაობდა ტრესტ "საქჰიდროენერგომშენში". 1946 წელს ოთხი წლით მივლინებული იყო შვედეთში ტექნიკური კონტროლის განსახორციელებლად ქარხნებში, სადაც მზადდებოდა ჰიდრომექანიკური და ელექტროტექნიკური მოწყობილობა საქართველოსა და სომხეთის ჰიდროელექტროსადგურებისთვის. ბოლო წლებში მუშაობდა "თბილჰიდროპროექტში" მთავარ სპეციალისტად. მონაწილეობდა მნიშვნელოვანი ენერგოობიექტების - ენგურის, ვარციხის, ნამახვანის, ჟინვალის ჰესების პროექტირებაში. 20 წლის განმავლობაში თავის ძირითად საქმიანობას წარმატებით უთავსებდა პედაგოგიურ მოღვაწეობას საქართველოს პოლიტექნიკურ ინსტიტუტში. სამჯერ იყო არჩეული თბილისის ქალაქის საბჭოს დეპუტატად. მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.448

• საქართველოს დამსახურებული ინჟინერი
• საპატიო ნიშნის ორდენი
• შრომის წითელი დროშის ორდენი