ნოდარ ჯაფარიძე

დაბადების ადგილი: სოფელი სავანე, საჩხერის რაიონი.

დაამთავრა საქართველოს პოლიტექნიკური ინსტიტუტის ნავთობის ფაკულტეტი "ნავთობისა და აირის ჭაბურღილების ბურღვის" სპეციალობით 1954 წელს და მიენიჭა სამთო ინჟინრის კვალიფიკაცია.

1947-1949წწ. იყო ტრესტ "ჭიათურმარგანეცში" ცვლის ოსტატი; 1954-1955წწ. გაერთიანება "შუააზნავთობის" ტრესტ "ანდიჟანნავთობის" ბურღვის კანტორაში (უზბეკეთის სსრ) უბნის უფროსი; 1955-1956წწ. ტრესტ "კავკასიის ნახშირგეოლოგიის" გეოლოგიურ პარტიაში ბურღვის უფროსი ოსტატი; 1956-1959წწ. ქ. ტყიბულის კომკავშირის რაიონული კომიტეტის პირველი მდივანი; 1959-1960წწ. ტრესტ "საქნახშირმადნეულ ძიების" "გელათოტყიბულის" გეოლოგიურ-საძიებო პარტიის მთავარი ინჟინერი; 1960-1964წწ. ტრესტ "საქნახშირმადნეულ ძიების" ნორიო-მარტყოფის გეოლოგიურ-საძიებო პარტიის მთავარი ინჟინერი ბურღვის დარგში და პარტიული ორგანიზაციის მდივანი; 1964-1973წწ. ტრესტ "საქნახშირმადნეულ ძიების" ჭიათურის გეოლოგიურ-საძიებო პარტიაში მთავარი ინჟინერი, პარტიის უფროსი; 1973 წლიდან - ტრესტ "საქნავთობში" თბილისისპირეთის ღრმა ბურღვით ძიების უფროსი; 1974 წელს მისი უშუალო ხელმძღვანელობით გაიხსნა "სამგორის" ნავთობის საბადო; 1975-1978წწ. - ახლად შექმნილი საწარმოო გაერთიანება "საქნავთობის" აღმოსავლეთ საქართველოს ბურღვით ძიების სამმართველოს უფროსი; 1978-2000წწ. "საქნავთობის" (შპს "ნავთობსერვისი") სხვადასხვა სამმართველოში ხელმძღვანელი თანამდებობები; 2000-2005წწ. - შპს "იორის ველი".

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.451

• შრომის ვეტერანი
• მედალი "შრომითი წარჩინებისთვის"
• საქართველოს დამსახურებული ინჟინერი