ჯემალ ჯორბენაძე

დაბადების ადგილი: ქ. საგარეჯო.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი ნავთობისა და გაზის საბადოთა ძებნა-ძიების და დამუშავების სპეციალობით 1964 წელს და მიენიჭა სამთო ინჟინრის კვალიფიკაცია.

1964 წლიდან მუშაობდა ტრესტ "საქნავთობში" სხვადასხვა თანამდებობებზე: ბურღვის ოსტატი, ბურღვის ინჟინერი, უფროსი ინჟინერ-ტექნოლოგი, ბურღვის სამმართველოს უფროსის მოადგილე, სამგორის რაიონული საინჟინრო-ტექნოლოგიური სამსახურის უფროსი; 1978 წლიდან - ტრესტ "საქნავთობი"-ს კოშკსამონტაჟო კანტორის მთავარი ინჟინერი; 1986 წლიდან - სატამპონაჟო კანტორის მთავარი ინჟინერი; 1989 წლიდან - "საქნავთობი"-ს ცენტრალური საწარმოო მომსახურეობის ბაზის უფროსი; 1995 წლიდან - ქართულ-შვეიცარული ნავთობ კომპანია "იორის-ველი, ნავთობი და გაზი"-ს გენერალური დირექტორის მოადგილე; 2007 წლიდან - შპს "სტრეიტ ოილ ენდ გეზ (საქართველოში)"-ში სამეთვალყურეო საბჭოს წევრი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.458