ეკა ცინდელიანი

დაბადების ადგილი: ქ. თბილისი.

დაამთავრა თბილისის სახელმწიფო სამხატვრო აკადემია 1990 წელს.

1991 წელს მონაწილეობდა გამოფენაში, რომელიც მოეწყო გალერეა "ფიროსმანში"; 1992 წელს ქ. მოსკოვში "მასკოვსკაია პალიტრა"-სა და ქართულ-გერმანულ ფესტივალში; 1995 წელს ნამუშევრები გამოფენილი იყო ქ. მოსკოვის ქართული კულტურის ცენტრში; 1997 წელს მონაწილეობდა ქ. პარიზის "ჩრდილი და ნათელი" "დიდი თაღის" გალერეაში; 1998-1999წწ. მონაწილეობდა საფრანგეთში გამართულ "დიდი თაღის" და "ხელოვნების ორანჟერეა"-ს გამოფენებში; 2001-2002წწ. მისი ნამუშევრები გამოფენილი იყო აგრეთვე ქ. პარიზში გამართულ "ცეკვის სალონის" ყოველწლიურ გამოფენებში. მისი მხატვრული ნაწარმოებები დაცულია საფრანგეთის, შვეიცარიის, ამერიკის შეერთებული შტატებისა და რუსეთის კერძო კოლექციებში. 

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.435