ბექა ქანთარია

დაბადების ადგილი: სოფელი ჯვარი, წალენჯიხის მუნიციპალიტეტი.

ქართველი იურისტი, სამართლის დოქტორი, კონსტიტუციოლოგი. ავტორი სამეცნიერო ნაშრომებისა, მათ შორის 5 მონოგრაფიის და ერთი სახელმძღვანელოსი საკონსტიტუციო სამართალში. არის საქართველოს კონსტიტუციის კომენტარების თანაავტორი (GTZ, 2013). საქართველოს იუსტიციის სამინისტროს ორენოვანი სამეცნიერო ჟურნალის, "იუსტიციის" გამოცემათა გამწესრიგებელი. სამეცნიერო და პედაგოგიურ საქმიანობას ეწევა კავკასიის საერთაშორისო უნივერსიტეტში. 

1999-2004 წლებში სწავლობდა თბილისის სახელმწიფო უნივერსიტეტის სოხუმის ფილიალის იურიდიულ ფაკულტეტზე, სამართალმცოდნეობის სპეციალობით; 2005-2006 წლებში კი თბილისის სახელმწიფო უნივერსიტეტის ასპირანტურაში; 2006-2012 წლებში თბილისის სახელმწიფო უნივერსიტეტის დოქტორანტურაზე; 2012 წელს დაიცვა სადოქტორო დისერტაცია თემაზე: "დასავლური კონსტიტუციონალიზმის პრინციპები და მმართველობის ფორმის სამართლებრივი ბუნება პირველ ქართულ კონსტიტუციაში". 

2019-2022 წლებში აკადემიკოს მინდია უგრეხელიძესთან ერთად გამოსცა "კონსტიტუციონალიზმის ტრილოგია", რომელიც ქართული სამართლის ისტორიაში პირველი ფუნდამენტური შრომებია კონსტიტუციონალიზმის დარგში. 

2022 წელს ბექა ქანთარიას კონსტიტუციონალიზმის განვითარებაში შეტანილი განსაკუთრებული წვლილისათვის გადაეცა კავკასიის საერთაშორისო უნივერსიტეტის სამეცნიერო პრემია "თამარი". 2022 წელს მისი ავტორობით გამოიცა წიგნი: "Liber Amicorum - მინდია უგრეხელიძე 80", რომელიც საფუძველს უყრის ახალ მიმართულებას სამართალმცოდნეობაში - "სამართლის პერსონოლოგიას". 

პროფესიული საქმიანობა 

2003-2004 წლებში ბექა ქანთარია იყო საქართველოს უზენაესი სასამართლოს კონსულტანტი; 2005 წლიდან დღემდე ლექციებს კითხულობს საქართველოს უმაღლეს სასწავლებლებში; არის კავკასიის საერთაშორისო უნივერსიტეტის პროფესორი და ამავე უნივერსიტეტის კონსტიტუციური დემოკრატიის სამეცნიერო-კვლევითი ინსტიტუტის დირექტორი; 2021 წლიდან არის საქართველოს იუსტიციის სამინისტროს მრჩეველთა საბჭოს წევრი, საკონსტიტუციო სამართლის მსოფლიო ასოციაციის წევრი (IACL), ევროპის აკადემიური ცენტრის დამფუძნებელი და გენერალური დირექტორი, საერთაშორისო სამეცნიერო ჟურნალის "სამართლის მაცნეს" სარედაქციო კოლეგიის წვერი. იყო საქართველოს პრეზიდენტის სტიპენდიანტი (ორგზის, 2004, 2005), ილია ჭავჭავაძის სახელობის სტიპენდიანტი (რუსთაველის სამეცნიერო ფონდი, 2008), KAAD სტიპენდიანტი (მაქს-პლანკის საერთაშორისო საჯარო სამართლის ინსტიტუტი. ჰაიდელბერგი გერმანია, 2015), DAAD სტიპენდიანტი (ორგზის, იენის უნივერსიტეტი, გერმანია, 2016, 2021), მაქს პლანკის ევროპული სამართლის ისტორიის ინსტიტუტის სტიპენდიანტი (ფრანკფურტი, გერმანია, 2017); მიღებული აქვს კავკასიის საერთაშორისო უნივერსიტეტის სამეცნიერო პრემია "თამარი" (2022), საქართველოს მეცნიერებათა ეროვნული აკადემიის საპატიო სიგელი სამართალმცოდნეობის დარგში მიღწევებისთვის.

• LIBER AMICORUM : მინდია უგრეხელიძე 80 = Mindia Ugrekhelidze 80 : ცდა სამართლის პერსონოლოგიის შემოღებისა = Introducing the Personology of Law / მასალები მოიძია, რედაქციულად დაამუშავა და გამოსაცემად მოამზადა ბექა ქანთარიამ (რედაქტორი). - თბილისი, უნივერსალი, 2022. - 948გვ.. - ISBN: 9789941332876
• საქართველოს 1995 წლის კონსტიტუცია : ქმნადობის მისადგომებთან : საქართველოს კონსტიტუციის პროექტები (1993-1995) = Constitution of Georgia 1995: approaching its development : Draft constitutions of Georgia (1993-1995) / ტექსტები მოიძიეს, რედაქციულად დაამუშავეს და გამოსაცემად მოამზადეს მინდია უგრეხელიძემ და ბექა ქანთარიამ (რედაქტორი). - თბილისი, უნივერსალი, 2022. - 440გვ.. - ISBN: 9789941333927
• პირველი ქართული კონსტიტუციის 100 წელი = Centenary of the First Georgian Constitution / მინდია უგრეხელიძე, ბექა ქანთარია (თანაავტორი) // კონსტიტუციონალიზმი როგორც ცივილიზაციის მონაპოვარი / ბექა ქანთარია.-გვ.583-608. - თბილისი, უნივერსალი, 2021. - 612გვ.. - ISBN: 9789941269981
• საკონსტიტუციო იდეები და პროცესები ქართულ პუბლიცისტიკაში (1990-1995) : ბრძოლა კონსტიტუციური დემოკრატიისათვის : კრებული / პროექტის ავტორი და ხელმძღვანელი ბექა ქანთარია (რედაქტორი). - თბილისი, უნივერსალი, 2020. - 1000გვ.. - ISBN: 9789941267802
• კონსტიტუციონალიზმი : მიღწევები და გამოწვევები = Constitutionalism : Achievements and challenges / კავკასიის საერთაშორისო უნივერსიტეტი ; სამეცნიერო რედაქტორები და გამომცემლები: მინდია უგრეხელიძე და ბექა ქანთარია (რედაქტორი). - თბილისი, უნივერსალი, 2019. - 742გვ.. - ISBN: 9789941266270
• დამოუკიდებლობიდან თავისუფლებისაკენ : რესპუბლიკის 100 წელი : 26 ესე (ავტორი) // თანამედროვე ქართული სახელმწიფო, როგორც საქართველოს პირველი რესპუბლიკის სამართალმემკვიდრე : წარსული და თანამედროვე გამოწვევები.-გვ.181-195. - თბილისი, 2018. - 252გვ.
• საქართველოს დემოკრატიული რესპუბლიკა (1918-1921) : ენციკლოპედია-ლექსიკონი (შემდგენელი). - თბილისი, თბილ. უნ-ტის გამ-ბა, 2018. - 554გვ.. - ISBN: 9789941137181
• კონსტიტუციონალიზმის ფუნდამენტური პრინციპები და მმართველობის ფორმის სამართლებრივი ბუნება პირველ ქართულ კონსტიტუციაში : მონოგრაფია (ავტორი). - თბილისი, სამართალი, 2013. - 530გვ.. - ISBN: 9789941915789
• მმართველობის ფორმის დასავლური სისტემები და მათი გავლენა საქართველოს პირველ კონსტიტუციაზე (ავტორი). - თბილისი, 2011. - 41გვ.
• კლიმენტი შელია-აუდიტორიის ღმერთი (ავტორი). - თბილისი, აფხაზეთის ა/რ მეცნ. აკად., 2005. - 236გვ.. - ISBN: 9994002198
• საქართველოს უზენაესი სასამართლოს სათავეებთან (1919-1921) (ავტორი). - თბილისი, მოლოდინი, 2004. - 68გვ.. - ISBN: 9992808829
• შეხვედრები გერმანიაში = Die Begegnungen in Deutschland (ავტორი). - თბილისი, მოლოდინი, 2004. - 197გვ.. - ISBN: 9994001302
• კონსტანტინე მიქელაძის პოლიტიკური და იურიდიული შეხედულებანი (ავტორი). - თბილისი, პოლიტიკა, 2003. - 432გვ.
• გზა სამართლებრივი სახელმწიფოსაკენ (ავტორი). - თბილისი, სამართალი, 2002. - 380გვ.