გიორგი მუმლაძე

დაბადების ადგილი: სოფელი დიდი ენაგეთი, თბილისის მაზრა.

პირველდაწყებითი განათლება ოჯახში მიიღო, შემდეგ, ბუღალტერია შეისწავლა; პირველ ხანებში მუშაობდა სავაჭრო დაწესებულებებში; 1910 წლიდან - ბანკებში: ქუთაისში, სამტრედიასა და ოზურგეთში; თბილისში მსახურობდა ამიერკავკასიის ბანკში ბუღალტრად. პირველად სამწერლო ასპარეზზე გამოვიდა 1910 წელს. პირველი ნაწარმოები, მინიატურა "ბოროტი ძალა" დაიბეჭდა 1910 წელს ალმანახ "შუქში", N1. მისი მინიატიურათა კრებული: "ბოროტი ძალა", "ყველაფერი გათავებულია", "ღამე", "მუხა-ბატონი", "არწივი", "შენი ჭირიმე", "კაპოეტი", "აღსდგა მკვდრეთით", "უღირსი სამება", "სიცოცხლე მწყურია" და სხვა მრავალი სახუმარო და პატარა ფელეტონები, თარგმანები, გაზეთებში და ჟურნალებში იბეჭდებოდა.

წყარო: მწერალთა ავტობიოგრაფიები. წ. 1/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.421-422; ქართველ მოღვაწეთა ლექსიკონი, 1801-1952: ტ. III მ-რ / იოსებ იმედაშვილი.-თბ.,2021.-გვ.387

• ქართველთა შორის წერა-კითხვის გამავრცელებელი საზოგადოება, წევრი

• დედაკაცი და სოციალიზმი : 50-ე გერმანულ საიუბილეო გამოცემასთან შედარებული (მთარგმნელი). - ბათუმი, გამოცემა მ. კალანდაძისა, (გ. ს. თავართქილაძის სტ.), 1912