კობა შანავა

მედიცინის დოქტორი, პროფესორი. ქირურგი, ტრანსპლანტოლოგი. ღვიძლის ქირურგიისა და ღვიძლის ტრანსპლანტაციის ფუძემდებელი საქართველოში. მის სახელს უკავშირდება 100-ზე მეტი წარმატებული ღვიძლის გადანერგვის ოპერაცია ქვეყანაში, ორგანოთა ტრანსპლანტაციის პირველი ცენტრის დაარსება საქართველოში, 1000-ზე მეტი წარმატებულუ ქირურგიული ოპერაცია სიმსივნური პათოლოგიების დროს.

2003-2005წწ. თბილისის სამედიცინო აკადემიის, ადამიანის ნორმალური ანატომიის კათედრის ასისტენტი; 2006 წელს იყო თბილისის სამედიცინო აკადემიის ადამიანის ნორმალური ანატომიის კათედრის უფროსი მასწავლებელი; 2004 - საქართველოს სახელმწიფო სამედიცინო აკადემიის მეცნიერ თანამშრომელი; 2007- თბილისის სახელმწიფო სამედიცინო უნივერსიტეტის სალექციო ასისტენტი; 2007 - თბილისის სახელმწიფო სამედიცინო უნივერსიტეტის ექსპერიმენტული და კლინიკური კვლევითი ცენტრის მეცნიერ თანამშრომელი; 2007-2010წწ. პეჩის უნივერსიტეტის ქირურგიული ტექნიკისა და კვლევების დეპარტამენტის ექიმი სტაჟიორი (უნგრეთი); 2010-2015წწ. თბილისის სახელმწიფო სამედიცინო უნივერსიტეტის კლინიკური ანატომიის დეპარტამენტის მოწვეული პედაგოგი; 2011 წელს მიუნხენის ტექნიკური უნივერსიტეტის ქირურგიული დეპარტამენტის სტაჟიორი ქირურგი (გერმანია); 2011 – გრიგოლ რობაქიძის უნივერსიტეტის კლინიკური და ექსპერიმენტული მედიცინის სამეცნიერო, სასწავლო ცენტრის ხელმძღვანელი; 2012 – აკადემიკოს ნ. ყიფშიძის სახელობის ცენტრალური საუნივერსიტეტო კლინიკის ქირურგი; 2012 – თსსუ  დიპლომის შემდგომი სამედიცინო განათლების და უწყვეტი პროფესიული განვითარების ინსტიტუტი; პროგრამის "ლაპაროსკოპიულ ქირურგია" ლოკალური ხელმძღვანელი; 2013 – პოლ ბრუსის კლინიკა, ღვიძლისა და სანაღვლე გზების ქირურგიის ცენტრი, ექიმი სტაჟიორი (საფრანგეთი, პარიზი); 2014-2018წწ. "ავერსის" კლინიკის ჰეპატო-პანკრეატო-ბილიარული ქირურგიის და ტრანსპლანტოლოგიის დეპარტამენტის ხელმძღვანელი; 2015 – სეულის საუნივერსიტეტო კლინიკა (SNUH), ექიმი სტაჟიორი (სამხრეთ კორეა სეული); 2016 – სეულის საუნივერსიტეტო კლინიკა (SNUH), ექიმი სტაჟიორი (სამხრეთ კორეა სეული); 2016 – მეიოს სახელობის კლინიკა, ქირურგიისა და ტრანსპლანტოლოგიის დეპარტამენტი, ექიმი სტაჟიორი (შეერთებული შტატები, ფლორიდა); 2017 – იელის სამედიცინო ცენტრი, ჰეპატო-ბილიარული ქირურგიის და ტრანსპლანტოლოგიის დეპარტამენტი, ექიმი სტაჟიორი (შეერთებული შტატები, ნიუჰევენი); 2017 – სეულის საუნივერსიტეტო კლინიკა (SNUH), ექიმი სტაჟიორი (სამხრეთ კორეა სეული); 2017 წლიდან საქართველოს შრომის, ჯანმრთელობის და სოციალური დაცვის სამინისტროს ტრანსპლანტაციის საბჭოს წევრი; 2018 – საქართველოს ტრანსპლანტოლოგთა საზოგადოების პრეზიდენტი; 2018 – სამედიცინო ცენტრი "ინოვა"-ს ჰეპატო ქირურგიის და ტრანსპლანტოლოგიის დეპარტამენტის ხელმძღვანელი; 2019 - ივ. ბოკერიას სახელობის საუნივერსიტეტო კლინიკის ქირურგიის და ტრანსპლანტოლოგიის დეპარტამენტის ხელმძღვანელი, კლინიკური დირექტორი; 2022-2023წწ. ივ. ბოკერიას სახელობის საუნივერსიტეტო კლინიკის კლინიკური დირექტორი; 2023 წლიდან სამხრეთ კორეის ტრანსოლანტაციის სამედიცინო ჟურნალის სარედაქციო კომისიის წევრი.

• ევროპის ტრანსპლანტოლოგთა საზოგადოება, წევრი
• ექსპერიმენტული და კლინიკური მედიცინის საერთაშორისო ასოციაცია, პრეზიდენტი (2005-2010)
• საერთაშორისო ტრანსპლანტოლოგთა საზოგადოება, წევრი
• საქართველოს ტრანსპლანტოლოგთა საზოგადოება, დამფუძნებელი, პრეზიდენტი
• საქართველოს ჯან-დაცვის სამინისტროს ტრანსპლანტაციის საბჭო, წევრი, დარგის ექსპერტი