ინა დივნოგორცევა-გრიგოლია

დაბადების ადგილი: ქ. ენოტაევკა, ასტრახანის ოლქი, რუსეთი.

დაამთავრა თბილისის სამხატვრო აკადემია 1940 წელს (მისი პედაგოგები იყვნენ ი. შარლემანი, ვ. (ლ.) გრიგოლია).

1940 წლიდან მონაწილეობდა სამხატვრო გამოფენებში; თანამშრომლობდა გამომცემლობებთან, ეწეოდა პედაგოგიურ მოღვაწეობას; მას ეკუთვნის, ძირითადად ქართული, რუსული და საზღვარგარეთის კლასიკური ლიტერატურის დაზგური და წიგნის გრაფიკის, წიგნის ილუსტრაციების ნამუშევრები; მხატვარმა თავი მოუყარა მეუღლის, ვ. (ლ.) გრიგოლიას არქივსა და მის შემოქმედებით მემკვიდრეობას, მოამზადა და გამოსცა წიგნები: "ლ. გრიგოლია, დაზგური და წიგნის გრაფიკა" (ტ.1, 1989), "ლ. გრიგოლია და ქართული შრიფტის ხელოვნების საფუძვლები" (2004); ნაყოფიერად მოღვაწეობდა წიგნის გრაფიკის დარგში; გააფორმა შოთა რუსთაველის "ვეფხისტყაოსანი" (ტრიპტიქი, 1968), რ. როლანის "მიქელანჯელო ბუონაროტის ცხოვრება" (1940), უ. თეკერეის "ამაოების ბაზარი" (1951), უ. შექსპირის "რომეო და ჯულიეტა" (1961), მ. სერვანტესის "დონ კიხოტი" (1950), ბ. პრუსის "ფარაონი" (1958), ა. ფრანსის "ღმერთებს სწყურიათ" (1958); ავტორია სხვადასხვა კომპოზიციებისა ("თამარი და შოთა რუსთაველი", "აკაკი მეუღლესთან ერთად", "ილია და აკაკი გრიბოედოვის საფლავთან") და პლაკატებისა; სხვა ნამუშევრებია: "ქართლის პეიზაში" (1943), "აკაკი წერეთლის სახლი სხვიტორში" (1953), "გაზაფხულის პორტრეტი" (1964), "თინა წავკისელი" (1967), "ვარდები თებერვალში" (1972) და სხვა. გამოცემული აქვს ლექსების კრებული "ფრესკა" (გაფორმება და ილუსტრაციები ავტორისა, თბ., 1986, რუს. ენაზე). გრაფიკოსი.

წყარო: საქართველო: ენციკლოპედია: ტ.2. – თბ., 2012. – გვ.428; ინა დივნოგორცევა-გრიგოლია : ხსოვნა // საქართველოს რესპუბლიკა. - თბილისი, 2004. - 16 ოქტომბერი. - N240(4969). -გვ.8

• 2000 - ღირსების ორდენი
• 1967 - საქართველოს დამსახურებული მხატვარი

• ლადო გრიგოლია და ქართული შრიფტის ხელოვნების საფუძვლები = Ладо Григолия и основы искусства грузинского шрифта : მოდულური აგების კანონი (ავტორი). - თბილისი, საქართველოს მაცნე, 2004. - 316გვ.. - ISBN: 99940-26-97-6
• ლადო გრიგოლია : გრაფიკა, ქართული შრიფტის ხელოვნება : 2 წიგნად (შემდგენელი) // წ. 1 : დაზგური და წიგნის გრაფიკა. ქანდაკება. - თბილისი, ხელოვნება, 1989. - 43, [215]გვ.
• Фрески : Стихи (ავტორი). - Тбилиси, Мерани, 1986. - 92ст.
• გრაფიკა ; ფერწერა ; ნახატები : ალბომი (ავტორი). - თბილისი, ხელოვნება, 1972. - 121გვ.