გიორგი ფერაძე

დაბადების ადგილი: ქ. ბორჯომი.

დაამთავრა საქართველოს სასოფლო-სამეურნეო ინსტიტუტის მებოსტნეობა, მებაღეობა-მევენახეობის ფაკულტეტი და მიიღო სწავლული აგრონომის კვალიფიკაცია 1949 წელს; საქართეელოს მეცნიერებათა აკადემიის ასპირანტურა მეხილეობის განხრით 1954 წელს.

1941 წელს, საბჭოთა კავშირის დიდი სამამულო ომის დაწყებისთანავე, გაიწვიეს არმიაში, სადაც მსახურობდა 1945 წლამდე; იგი მონაწილეობდა კავკასიის გმირულ დაცვაში და სხვა დიდმნიშვნელოვან საომარ ოპერაციებში; მუშაობდა საქართველოს სოფლის მეურნეობის სამინისტროში აგრონომად; 1954 წელს დაიცვა საკანდიდატო დისერტაცია; 1955-1957წწ. მსახურობდა მეხილეობის საცდელი სადგურის ჯავის საყრდენი პუნქტის გამგედ; 1957-1977წწ. მებაღეობის, მევენახეობისა და მეღვინეობის ინსტიტუტის თელავის საცდელ სადგურში მეხილეობის განყოფილების გამგედ; 1970 წლიდან იყო საქართველოს მებაღეობის, მევენახეობისა და მეღვინეობის ინსტიტუტში მეხილეობის სელექციის განყოფილების უფროსი მეცნიერ მუშაკი; გამოაქვეყნა 40-ზე მეტი ნაშრომი, მან განსაკუთრებით ნაყოფიერი მუშაობა გასწია საქართველოს ხეხილოვანი კულტურების ვერტიკალური ზონალობის მიხედვით გაადგილების საკითხებზე. მიღებული აქვს ორდენი და 7 მედალი.

წყარო: ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 106-107

• შრომის ვეტერანის მედალი
• მედალი "კავკასიის დაცვისთვის"
• სამამულო ომის II სარისხის ორდენი