შალვა ჭილაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სამთო ინჟინრის სპეციალობით 1941 წელს.

გაიგზავნა სამუშაოდ ტყვარჩელში. 1942 წელს გაიწვიეს მოქმედ არმიაში, სადაც მიანიჭეს უფროსი სერჟანტის წოდება. მეთაურობდა ოცეულს 1943 წლის მარტამდე, როდესაც დემობილიზებულ იქნა, როგორც სპეციალისტი. 1943-1946წწ. მუშაობდა ჯერ შახტის ვენტილაციის, შემდეგ უსაფრთხოების ტექნიკის განყოფილების უფროსად. 1947-1948წწ. იყო საქართველოს პოლიტექნიკური ინსტიტუტის წიაღისეულის დამუშავების კათედრის ასისტენტი აკადემიკოს გრ. წულუკიძესთან. 1948 წლიდან მუშაობდა შრომის დაცვის ინსტიტუტში ჯერ უმცროს, შემდეგ უფროს მეცნიერ თანამშრომლად და ლაბორატორიის ხელმძღვანელად. გამოქვეყნებული აქვს 40-ზე მეტი მეცნიერული შრომა, აქეს 15 საავტორო მოწმობა. 1956 წელს დაიცვა დისერტაცია და გახდა ტექნიკურ მეცნიერებათა კანდიდატი. მიღებული აქვს ორდენები და მრავალი მედალი.

წყარო: ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 135

• მედალი "მხედრული მამაცობისთვის"
• მედალი "გერმანიაზე გამარჯვებისთვის"
• მედალი "კავკასიის დაცვისთვის"
• საპატიო ნიშნის ორდენი
• სამამულო ომის II სარისხის ორდენი

• მაღაროს მტვერთან ბრძოლა (ავტორი). - თბილისი, საბჭოთა საქართველო, 1976. - 118გვ.
• მტვერდამჭერი "тбиот-пущ" (ავტორი). - თბილისი, 1974. - 4გვ.
• შპურებისა და ჭაბურღილების წრიული ბურღვა მტვრის წინააღმდეგ ბრძოლის თვალსაზრისით (ავტორი). - თბილისი, 1965. - 14გვ.