შალვა ხახაშვილი

დაბადების ადგილი: ქ. თბილისი.

დაამთავრა თბილისის უცხო ენათა სახელმწიფო პედაგოგიური ინსტიტუტის გერმანელი ენის ფაკულტეტი 1954 წელს. 

1943 წლის იანვარში 16 წლისა მოხალისედ წავიდა წითელი არმიის რიგებში. მიიღო მონაწაილეობა საომარ მოქმედებათა პირველ და მეორე ბელორუსიის და მეორე უკრაინის ფრონტებზე. 1946 წელს ფრონტზე მიღებული ჭრილობის გართულების გამო დემობილიზებულ იქნა არმიიდან როგორც დიდი სამამულო ომის ინვილიდი. 1954 წელს დატოვეს გერმანული ენის კათედრაზე მასწავლებლად, იყო გერმანული ენის ფაკულტეტის დეკანი. შემდეგ უცხო ენების სწავლების მეთოდიკის კათედრის გამგე. მინიჭებული აქვს პედაგოგიურ მეცნიერებათა კანდიდატის ხარისხი და დოცენტის წოდება. გამოაქეეყნა 30-ზე მეტი ნაშრომი. 40-წელზე მეტია ეწეოდა ნაყოფიერ სამეცნიერო-პედაგოგიურ მოღვაწეობას. ფაშიზმის წინააღმდეგ ბრძოლაში გამოჩენილი მამაცობისთვის დაჯილდოებულია ორდენებით და მედლებით, მიღებული აქვს მთავრობის ჯილდოები და უმაღლესი მთავარსარდლის 9 მადლობა.

წყარო: ომგადახდილი მეცნიერები : საგამომცემლო ცნობები. კრებული / შემდგ.: გრიგოლ ბრეგაძე. - თბ., 2000. გვ. 137

• მედალი "მხედრული მამაცობისთვის"
• მედალი "გერმანიაზე გამარჯვებისთვის"
• წითელი ვარსკვლავის ორდენი
• სამამულო ომის I ხარისხის ორდენი
• საქართველოს უმაღლესი სკოლის დამსახურებული მუშაკი