ჯიმი მაისურაძე

დაბადების ადგილი: სოფელი გიორგეთი, ლაგოდეხის რაიონი.

დაამთავრა საავიაციო სასწავლებელი.

მონაწილეობდა საბჭოთა კავშირის ომში ავღანეთში, შემდეგ მსახურობდა ვერტმფრენის ეკიპაჟის მეთაურად ციმბირში; 1991 წლიდან მონაწილეობდა საბრძოლო მოქმედებებში ქართულ-ოსური კონფლიქტის ზონაში, შემდეგ - აფხაზეთში; 1992 წლის თებერვლიდან მეთაურობდა ეროვნული გვარდიის სამმართველოს საავიაციო პოლკს; მისი ვერტმფრენის ჩამოგდებისთვის აფხაზ სეპარატისტებს ჯილდოდ ათასობით მანეთი ჰქონდათ დაწესებული; 1992 წლის 26 დეკემბერს დაიღუპა აფხაზეთში საქართველოს ტერიტორიული მთლიანობისთვის ბრძოლაში, მისი "მი-24" ვერტმფრენის კოდორის ხეობაში პატრულირების დროს ჩამოგდების შედეგად; მის საფლავზე, დღემდე დგას ერთ-ერთი საბრძოლო ვერტმფრენი, რომელიც მეგობარმა მის საფლავზე დასვა; დაიღუპა აფხაზეთში საქართველოს ტერიტორიული მთლიანობისთვის ბრძოლაში; მას რუსები მეტსახელად "შავ გენერალს", ხოლო აფხაზი სეპარატისტები "საჰაერო ხულიგანს" ეძახდნენ; 2017 წელს სამგორის რაიონის უსახელო ქუჩას ჯიმი (ჯიმშერ) მაისურაძის სახელი მიენიჭა. სამხედრო მფრინავი, პოლკოვნიკი. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: სსიპ - ვეტერანების საქმეთა სახელმწიფო სამსახური: m.facebook.com; თბილისის საკრებულო: tbsakrebulo.gov.ge; პირველი არხი: 1tv.ge;  უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.287-288

• ვახტანგ გორგასლის I ხარისხის ორდენი (სიკვდილის შემდეგ)