კონსტანტინე ვაჩნაძე

დაბადების ადგილი: სოფელი კოლაგი, ახლანდელი გურჯაანის მუნიციპალიტეტი.

დაამთავრა იაროსლავის სამხედრო პროგიმნაზია; თბილისის ქვეით იუნკერთა სასწავლებელი; ოფიცერთა სამწყობრო სკოლა 1897 წელს.

სამხედრო სამსახურში ჩადგა 1875 წლის 19 ივლისიდან. მსახურობდა გრენადერთა მე–16 მინგრელსკის პოლკში. რუსეთ–იაპონიისა (1904–1905) და I მსოფლიო ომების მონაწილეა. 1909 წლიდან იყო თბილისის მე-15 გრენადერთა პოლკის მეთაურის მოადგილე; 8 წელი ხელმძღვანელობდა ასეულს, 5 წელი – ბატალიონს. 1914 წლის 20 მარტიდან მეთაურობდა შემახის 205–ე ქვეითთა პოლკს. კონსტანტინე ვაჩნაძე გარდაიცვალა ომში მიღებული ჭრილობებისგან. სამხედრო წოდებები: პრაპორშჩიკი (16.04.1878), პოდპორუჩიკი (18.04.1883), პორუჩიკი (18.04.1887), შტაბს–კაპიტანი (15.03.1895). გენერლის წოდება მიენიჭა სიკვდილის შემდეგ.

წყარო: რუსეთის არმიის ოფიცრები: ria1914.info; გენერლები საქართველოდან : საქართველოს გენერალიტეტის სამსაუკუნოვანი მატიანე/ლ. დოლიძე. - თბ. 2003.- გვ. 56: dspace.nplg.gov.ge

• 1915 - წმინდა ვლადიმირის IV ხარისხის ორდენი (მახვილებითა და ბაფთით)
• 1909 - წმინდა ანას II ხარისხის ორდენი
• 1907 - წმინდა სტანისლავის II ხარისხის ორდენი