იზეთ ირემაძე

დაბადების ადგილი: სოფელი ცხომრისი, ქედის რაიონი.

ქართულ ცეკვებს თავის თანატოლებთან ერთად სოფლად გამართულ ტრადიციულ  დღესასწაულებზე უფროსებისგან სწავლობდა, ეუფლებოდა მშობლიური  "ხორუმისა" და "განდაგანას" რთულ ილეთებს, რამაც ის კარგ მოცეკვავედ აქცია; 1926 წლიდან "მთიულურისა" და "განდაგანას" ორიგინალური შესრულებით ხშირად გამოდიოდა სხვადასხვა თვითმოქმედი ანსამბლის შემადგენლობაში; განსაკუთრებით გამოირჩეოდა "ხორუმში"; იგი მოცეკვავეთა ჯგუფსაც ხელმძღვანელობდა  როგორც ქორეოგრაფი, კონცერტებით გამოდიოდა ბახმაროში, ოზურგეთში, ქობულეთში, ბათუმში და სხვა. არის აჭარისა და საქართველოს მხატვრული თვითშემოქმედების ოლიმპიადების მონაწილე; 1949 წელს წარმატებით გამოვიდა მოსკოვში გამართულ საკავშირო დათავალიერებაზე. არის ქართული ცეკვების ინდივიდუალურ შემსრულებელთა კონკურსის ლაურეატი.

წყარო: საიუბილეო თარიღები : თეატრი, მუსიკა, კინო .- თბ.,2008.- გვ. 23

• 1975 - აჭარის ავტონომიური რესპუბლიკის კულტურის დამსახურებული მოღვაწე