იური სუხანოვი

დაბასების ადგილი: ქ. მეორე ირკუტსკი, ირკუტსკის ოლქი (რუსეთის ფედერაცია).

დაამთავრა ა. ს. პუშკინის სახელობის კრასნოიარსკის თეატრთან არსებული სტუდია 1945 წელს.

1946-1969წწ. მსახიობად მუშაობდა მოზარდ მაყურებელთა რუსულ თეტრში (ამჟამად ნ. დუმბაძის სახელობის მოზარდ მაყურებელთა თეატრი); 1969 წლიდან გარდაცვალებამდე მოღვაწეობდა გრიბაედოვის თეატრში. მრავალფეროვანი იყო ი. სუხანოვის რეპერტუარი. წარმოსადეგი გარეგნობა, ძლიერი ტემბრის ხმა, სცენური მომხიბლელობა ხელს უწყობდა მსახიობს შეექმნა კარგად დასამახსოვრებელი სახეები, მათ შორის აღსანიშნავია: მიტია, დორლიფოკტი, მიკლუშინი, ჟადოვი (ა. ოსტროვსკის "სიღარიბე, საძრახისი არ არის", "გვიანი სიყვარული", "უეცარი სიმდიდრე", "შემოსავლიანი ადგილი"), ბორის ბოგატირი (ვ. როზოვის  "მისი მეგობრები"), სერგეი გარინი (ი. შტოკის "გასტელო"), ჟენია კუზნეცოვი (ლ. გერინსკის "სიმწიფის ატესტატი"), მარატი (ა. არბუზოვის "ჩემი საბრალო მარატი") და სხვა. ი. სუხანოვი გადაღებულია ფილმებში, სატელევიზიო სპექტაკლებში, ასევე  "არმენფილმის" მხატვრულ ფილმებში.

წყარო: საიუბილეო თარიღები: თეატრი, მუსიკა, კინო.- თბ.,2008.- გვ.26; გრიბოედოვის თეტრის ვებგვერდი: griboedovtheatremuseum.ge

• 1965 - საქართველოს დამსახურებული არტისტი