ნოდარ კლდიაშვილი

დაბადების ადგილი: ქ. ქუთაისი.

ქართული ხალხური ცეკვები ცნობილმა ქორეოგრაფმა და პედაგოგმა მიხეილ ბახტაძემ შეასწავლა. 1947-1966 წწ. საქართველოს ხალხური ცეკვის სახელმწიფო აკადემიური ანსამბლის მოცეკვავეა და ანსამბლთან ერთად მრავალი წარმატებული საგასტროლო მოგზაურობის მონაწილეა. 1953 წელს ნ. კლდიაშვილმა (ანსამბლთან ერთად) მონაწილეობა მიიღო ახალგაზრდობისა და სტუდენტთა ბუქარესტის მე-4 მსოფლიო ფესტივალში, სადაც ლაურიატის წოდება დაიმსახურა; 1967-1970წწ. ის თბილისის ვ. აბაშიძის სახელობის მუსუკალური კომედიის თეატრის მოცეკვავეთა დასის მსახიობია. მონაწილეობდა სპექტაკლებში: "სიმღერა თბილისზე", "ჩანიტას კოცნა"; "კურკას ქორწილი" და სხვა; ნ. კლდიაშვილი 1971 წლიდან მუშაობდა ა. გრიბაედოვის სახელობის სახელმწიფო დრამატულ თეტრში მთავარ ადმინისტრატორად. 

წყარო: საიუბილეო თარიღები : თეატრი, მუსიკა, კინო.- თბ., 2008.- გვ.46

• 1966 - საქართველოს უმაღლესი საბჭოს პრეზიდიუმის სიგელი
• 1963 - საქართველოს დამსახურებული არტისტი
• მედალი "კავკასიის დაცვისთვის"
  დიდ სამამულო ომის პერიოდში გამართულ კონცერტებში აქტიური მონაწილებისათვის