ლეილა კაპანაძე

დაბადების ადგილი: ქ. ხონი.

დაამთავრა შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი 1956 წელს.

ლ. კაპანაძე სამსახიობო ხელოვნებას ეუფლებოდა აკ. ვასაძის და აკ. ხორავას ხელმწღვანელობით და წარმატებით ახორციელებდა საკურსო სპექტაკლებში საპასუხისმგებლო როლებს, რომელთა შორის აღსანიშნავია: გვირისტინე (პ. კაკაბაძის "კოლმეურნის ქორწინება"), გალჩიხა (ა. ოსტროვკის "უდანაშაულო დამნაშავენი"), აგრაფინა (შ. დადიანის "გუშინდელნი") და სხვ., ლ. კაპანაძე 1956-1960წწ. თბილისის კულტსაგანმანათლებლო სასწავლებლის მეტყველების პედაგოგი, ხოლო 1960 წლიდან შ. რუსთაველის სახელობის სახელმწიფო თეატრალური ინსტიტუტის მეტყველების პედაგოგია; 1962-1983წწ. უფროსი მასწვლებელი, 1983-1989წწ. ინსტიტუტის დეკანის  მოადგილე; 1988-1996წწ. დოცენტის, ხოლო 1996 წელს პროფესორის თანამდებობას იკავებს; 1997 წელს მეტყველების კათედრის გამგედ ინიშნება,  პარალელურად მეტყველებაში კონსულტაციებს უწევს "რადიო 105-სა" და "ინტერნიუსის" ჟურნალისტებს. არის არა ერთი სამეცნიერო ნაშრომის ავტორი სასცენო მეტყველების პრობლემების საკითხებზე და მსახიობთა არაერთი თაობის აღმზრდელი. საქართველოს სახალხო არტისტის გივი ბერიკაშვილის მეუღლე.

წყარო: საიუბილეო თარიღები : თეატრი, მუსიკა, კინო.- თბ., 2008.- გვ.54; სა­ინ­ფორ­მა­ციო პორ­ტა­ლი "ამ­ბე­ბი.ge": ambebi.ge