კუკური ხუნდაძე

დაბადების ადგილი: ქ. ქუთაისი.

დაამთავრა გეტენის პოლიტექნიკური ინსტიტუტი გერმანიაში 1912 წელს.

სამშობლოში დაბრუნების შემდეგ სხვადასხვა თანამდებობაზე მუშაობდა. 1917 წლიდან იყო საქართველოს სოციალ-დემოკრატიული (მენშევიკური) პარტიის წევრი. 1918 წლის აპრილში, თურქეთის ჯარების მიერ ბათუმის ოკუპაციის შემდეგ, ხუნდაძე სათავეში ჩაუდგა შორაპნის მუშათა 84-კაციან მოხალისეთა რაზმს, რომელმაც მონაწილეობა მიიღო გენერალ გიორგი მაზნიაშვილის მეთაურობით ჩოლოქის ბრძოლაში. 1918-1921წწ. იყო ბორჯომში სამთავრობო მამულების გამგე. 1921-1923წწ. საქართველოს იძულებითი გასაბჭოების (1921 წლის) შემდეგ მუშაობდა მანგანუმის მრეწველთა საბჭოში; 1923-1926წწ. ინგლისურ ფირმა "დიუპრეში"; 1926-1935წწ. რიონისა და ხრამის სადგურების მშენებლობაზე. 1938 წლის მარტში დააპატიმრეს "კონტრრევოლუციური" საქმიანობის ბრალდებით და დახვრიტეს. რეაბილიტირებულია სიკვდილის შემდეგ. სახელმწიფო მოხელე.

წყარო: სტალინური სიები საქართველოდან: nplg.gov.ge; სტალინური სიები: stalin.historyproject.ge