გივი ახმეტელი

დაბადების ადგილი: ქ. თბილისი.

პირველი ნაბიჯები შემოქმედებაში 1953 წელს  თბილისის ცენტრალური კულტურის სახლის ქართული საკრავების თვითმოქმედ ანსამბლში გადადგა, რომელსაც  ხელოვნების დამსახურებული მოღვაწე მარიამ არჯევანიშვილი ხელმძღვანელობდა; 1956-1958წწ. მუშაობდა რუსთაველის თეატრში სტატისტად; 1959 წლიდან მუშაობს ოზურგეთის თეატრში; მის მიერ შესრულებული როლებიდან აღსანიშნავია: მორისი (ნ. ნიშნიანიძის "ვისთან არის მაკო"), არჩილ სავანელი (ალ. ჩხაიძის "ხიდი"), ვანიჩკა (ნ. დუმბაძის "ნუ გეშინია დედა"), გოდაბრელიძე (რ. თაბუკაშვილის "რაიკომის მდივანი"), შოშია ( ნ. დუმბაძის "საბრალდებო დასკვნა"), დურმიშხანი, მიტუა (ო. იოსელიანის "სანამ ურემი გადაბრუნდება", "ექვსი შინაბერა და ერთი მამაკაცი"), კოწია (ა. გეწაძის "ყარამან ყანთელი"), აიმანი (ალ. დიუმას "მარგარიტა გოტიე"), ნესტორ კალანდარიშვილი (ალ. შენგელიას "ციმბირელი პაპა"), ავეტიკი (ალ. ცაგარელის "რაც გინახავს, ვეღარ ნახავ"), გოროდნიჩი (ნ. გოგოლის "ქორწინება"), ჟორჟ დანდენი (მოლიერის "გაბრიყვებული ქმარი"), გაიოზი (თ. ჭილაძის "მკვლელობა"), აგნოსტიოსი (გ. ფიგეირედოს "ეზოპე"), გივი (ლ. თაბუკაშვილის "დედაჩემის საყვარელი ვალსი") და სხვა.

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.74-75

• 1988 - საქართველოს დამსახურებული არტისტი