სოფიო მიქელაძე

სოფიო მიქელაძემ პირველმა შეიტანა სოფელ კულაშში ხარისხიანი ევროპული აბრეშუმის ჭიის კვერცხი, მისი თაოსნობით მოეწყო სპეციალური შენობა, გაშენდა თუთის ხეები. სოფიო მიქელაძე ასევე ხელმძღვანელობდა მეფრინველეობის დარგის განვითარებას სოფელში, ასი ათასობით კვერცხი იგზავნებოდა უცხოეთის ბაზრებში; დააარსა "სამეურნეო ფრინველთა გამაუმჯობესებელი კომიტეტი", რომლის თავმჯდომარეც თვითონ იყო. მისი მონდომებით კულაშში გაიხსნა სკოლა და ბიბლიოთეკა.

წყარო: სოფიო მიქელაძისა : (ნეკროლოგი) (წერილი კულაშიდგან) / დამსწრე // ივერია : საპოლიტიკო და სალიტერატურო ყოველდღიური გაზეთი. - თბილისი, 1902. - 19 დეკ.. - N272. - გვ.2-3