რუსუდან ჭრიკიშვილი

დაბადების ადგილი: ქ. თბილისი.

დაამთავრა ქართული ცეკვების სახელმწიფო სკოლა სტუდია 1975 წელს.

1975-1991წწ. მუშაობდა საქართველოს ხალხური ცეკვის სახელმწიფო აკადემიურ ანსამბლში (ხელმძღვანელები: ი. სუხიშვილი და ნ. რამიშვილი), სადაც სრულყოფილად დაეუფლა ქართული ხალხური ცეკვების შესრულებას და მალე წამყვანი სოლისტი გახდა. განსაკუთრებით გამოირჩეოდა ცეკვა "ქართულში", სადაც ავლენდა ამ პოპულარული ცეკვისათვის დამახასიათებელ სინატიფეს, გამომსახველობასა და შესრულების მაღალ კულტურას. რ. ჭრიკიშვილი ანსამბლთან ერთად წარმატებით გამოდიოდა საზღვარგარეთის მრავალ ქვეყანაში. ის პედაგოგიურ  საქმიანობას ეწევა ქორეოგრაფიულ ანსამბლში "სამეფო", ასევე ბავშვთა ქართული ცეკვების ანსამბლში "მომავლის ვარსკვლავები".

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.79-80

• 2001 - ღირსების ორდენი
• 1985 - საქართველოს დამსახურებული არტისტი