ბიჭიკო ჩხეიძე

დაბადების აგილი: ქ. თბილისი.

დაამთავრა შოთა რუსთაველის სახელობის სახელმწიფო თეატრალური ინსტიტუტის თეატრმცოდნეობის ფაკულტეტი 1971 წელს.

1957-1958წწ. მუშაობდა საქაერთველოს მეცნიერებათა აკადემიის გამოყენებითი ქიმიისა და ელექტრომეტალურგიის ინსტიტუტში უფროს ლაბორანტად; 1966-1980წწ. საქართველოს თეატრის, მუსიკისა და კინოს სახელმწიფო მუზეუმში საექსპოზიციო განყოფილების გამგედ; 1980-1983წწ. უშანგი ჩხეიძის სახლ-მუზეუმის დირექტორად; 1983-1984წწ. ნიკო ფიროსმანის სახელობის სახელმწიფი მუზეუმის თბილისის ფილიალის დირექტორად; 1984-1996წწ. საქართველოს კულტურის სამინისტროს რეკლამების გამომშვები დირექციის მხატვარ-ექსპოზიონერად; გარკვეული პერიოდის განმავლობაში ლენინგრადში ეწეოდა პედაგოგიურ მოღვაწეობას; 1969-2004წწ. თბილისის ვ. ჭაბუკიანის სახელობის სახელმწიფო-პედაგოგიურ სასწავლებელში, ხოლო 1995-2001წწ. საქართველოს ტექნიკურ უნივერსიტეტში მუშაობდა; 2001 წლიდან პროფესორის თანამდებობა უკავია საქართველოს შ. რუსთაველის სახელობის თეატრისა და კინოს სახელმწიფო უნივერსიტეტში; 1971 წლიდან მუშაობს, როგორც მხატვარ-დეკორატორი; გაფორმებული აქვს 100-ზე მეტი გამოფენა. მისი გაფორმებულია მუდმივი ექსპოზიციები: სიმონ ჯანაშიას სახ. სახელმწიფო მუზეუმში - ოქროს საგანძური - სეიფი - მხატვარ ა. კენჭაძესთან ერთად; თბილისის ისტორიის სახელმწიფო მუზეუმში (ქარვასლა); ლიტერატურისა და ხელოვნების მუშაკთა სახლ-მუზეუმებში: უ. ჩხეიძის, ნ. ვაჩნაძის, აკ. ვასაძის, მ. ჭიაურელის, ს. მირიანაშვილის, ნიკო ფიროსმანის, იაკობ გოგებაშვილის და სხვა; გამოქვეყნებული აქვს 300-ზე მეტი ნაშრომი საქართველოს სხვადასხვა ქალაქის, ასევე რუსეთის, ჰოლანდიისა და აშშ-ის ჟურნალ-გაზეთებში; ა. ჩხეიძე ავტორია მრავალი წიგნისა, მათ შორის -  "ჯორჯ ბალანჩინის ახალგაზრდობის წლები საქართველოში" (გამოიცა აშშ-ში ); აგრეთვე იგი ავტორია კრებულებში შესული სტატიებისა: "ყველაფერი ბალეტის შესახებ", "სანდრო ახმეტელი" და სხვ. ხელოვნებათმცოდნეობის დოქტორი. პროფესორი (2001).

წყარო: საიუბილეო თარიღები: თეატრი, მუსიკა, კინო.- თბ., 2008.- გვ. 86

• გაეროსთან არსებული რუსეთის ინფორმაციის საერთაშორისო და კავკასიის ხალხთა მეცნიერებათა აკადემია, ნამდვილი წევრი
• ღირსების ორდენი (1999-)

• Kalanda; Kakhiani : Zura Kalanda and Nugzar Kakhiani (თანაავტორი). - The Netherlands, First Class Art, 2007. - 24p.. - ISBN: 9789081217316
• Итальянская опера в Тифлисе (ავტორი). - Тб., 1997. - 127с.
• Тбилисское государственное хореографическое училище (ავტორი). - Тбилиси, "Хеловнеба", 1987. - 48с.