დათო პოპიაშვილი

დაბადების ადგილი: ქ. თბილისი.
დაამთავრა თბილისის იაკობ ნიკოლაძის სახელობის სამხატვრო სასწავლებელი 1989 წელს; თბილისის სახელმწიფო სამხატვრო აკადემიის სახვითი ხელოვნების ფაკულტეტი დაზგური ფერწერის რესტავრაციის სპეციალობით 1995 წელს.

1996-1998წწ. იყო თბილისის საგალერიო გაერთიანების რესტავრაციის ცენტრის მხატვარ-რესტავრატორი; 2007-2017წწ. თბილისის სასულიერო სემინარიის ხატწერა-რესტავრაციის ფაკულტეტის ხატვა-ფერწერის პედეგოგი; საქართველოს ოპერისა და ბალეტის თეატრის ბალეტ "მაკნატუნა"-ს დამდგმელი მხატვარი. მონაწილეობდა გამოფენებში: "კორპორაცია ქინძმარაულში", ყვარელი; "შატო მუხრანში", მუხრანი; ყოფილი საბჭოეთის ქვეყნების ხელოვნების ფესტივალი, I ადგილი, ბერლინი, გერმანია; ქართველ მხატვართა ჯგუფური გამოფენა "Art ankara", ანკარა, თურქეთი; ქართველ მხატვართა გამოფენა "სიყვარულით საქართველოდან", ხელოვნების მუზეუმი, ბაქო, აზერბაიჯანი; გალერეა "FINE ART"-ის მიერ ორგანიზებული ქართველ მხატვართა ნამუშევრების გამოფენების ციკლი, ჰოლანდია; პერსონალური გამოფენა, "ხელოვნების ცენტრი" ოსაკა, იაპონია; ქართული სახლი "საშობაო გამოფენა", პარიზი, საფრანგეთი; არტ სალონი "მანეჟი - 2003", მოსკოვი, რუსეთი; "კავკასიური სახლი", საშობაო გამოფენა, პარიზი, საფრანგეთი; გამოფენა "მამა და შვილი", გამოფენაში მონაწილეობდნენ მამა-შვილი ავთანდილ და დავით პოპიაშვილები, მოსკოვი, რუსეთი; საქართველოს კულტურის დღეები, დიჟონი, საფრანგეთი და სხვა ჯგუფური თუ პერსონალური გამოფენები.

წყარო: პირველი არხი: სცენა: 1tvscena.ge