იგორ გითოლენდია

დაბადების ადგილი: ქ. გალი.

ცეკვის ხელოვნებას გალის კულტურის სახლთან არსებულ ხალხური ცეკვის თვითმოქმედ ანსამბლში ეზიარა. მისი პირველი პედაგოგები იყვნენ ს. გოგოხია და ვ. აჩბა, ხოლო შემდგომ ცნობილი ქორეოგრაფები: ი. არბატოვი, პ. ვირსკი და ჯ. ბაგრატიონი; 1952 წლიდან ი. გითოლენდია ამიერკავკასიის სამხედრო ოლქის სიმღერისა და ცეკვის ანსამბლში იწყებს მუშაობას მოცეკვავე -  მსახიობად; 1955-1957წწ. ის გერმანიის დემოკრატიულ რესპუბლიკაში საბჭოთა ჯარების სიმღერისა და ცეკვის ანსამბლის სოლისტ - მოცეკვავე და ქორეოგრაფიული ჯგუფის  ხელმძღვანელი იყო; 1957 წლიდან ხელმძღვანელობდა გალის კულტურის სახლის მოცეკვავეთა კოლექტივს. ი. გითოლენდიას მიერ შესრულებული ცეკვებიდან აღსანიშნავია: "ყაზბეგური", "ალვანური", "ფარიკაობა", "ბაღდადური", "აფხაზური" და სხვ., ქორეოგრაფიული ნამუშევრებიდან კი "მთიულური", "სალხინო", "ყაზბეგური", "შვიდი ძმანი", აგრეთვე მსოფლიო ხალხთა სახასიათო ცეკვები.

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.99; ფოტო: ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.45

• 1972 - აჭარის ავტონომიური რესპუბლიკის დამსახურებული არტისტი
• 1972 - საქართველოს ხელოვნების დამსახურებული მოღვაწე