ვლადიმერ მოდებაძე

დაბადების ადგილი: სოფელი აკურა, თელავის რაიონი.

დაამთავრა შოთა რუსთაველის სახელობის სახელმწიფო თეატრალური ინსტიტუტის სარეჟისორო ფაკულტეტი 1953 წელს.

მისი სადიპლომო სპექტაკლი იყო მიუფკეს "ხვალინდელი დღე ჩვენი იქნება". იგი სხვადასხვა დროს მუშაობდა: გორის (1954-1956), ზუგდიდის (1956-1957) თეატრებში, თბილისის კულტსაგანმანათლებლო სასწავლებელში (1957-1959), კინოსტუდიის სამეცნიერო-პოპულარული ფილმების სტუდიაში (1959-1960), ფოთის თეატრის მთავარ რეჟისორად (1961-1962), 1962-1965 წლებში საგარეჯოს, სამტრედიის, სიღნაღის სახალხო თეატრების მთავარ რეჟისორად მუშაობდა; იყო თვითმოქმედების საკავშირო ფესტივალის ლაურეატი; 1965 წლიდან თბილისის ქორეოგრაფიული სასწავლებელში მსახიობის ხელოვნებას ასწავლიდა. მის მიერ დადგმული სპექტაკლებიდან აღსანიშნავია გორის თეატრში: ბეგლოვის "გაქცევა", ჯაკომეტის "დამნაშავის ოჯახი", ფოთის თეატრში: თაქთაქიშვილის "არწივების შევარდენი", გაბაშვილის "კონა" და სხვა.

წყარო: 2007 წლის საიუბილეო თარიღები : თეატრი, მუსიკა, კინო, ქორეოგრაფია.- თბ., 2007.- გვ.30