ვალერი ხარიუტჩენკო

დაბადების ადგილი: კუნძული შუმ-შუ (კურილიის კუნძულები, რუსეთის ფედერაცია).

დაამთავრა მოსკოვის მ. შჩეპკინის სახელობის თეატრალური სასწავლებელი 1971 წელს.

სასწავლებლის დამთავრების შემდეგ, ალ. გრიბოედოვის სახელობის თბილისის სახელმწიფო აკადემიური რუსული დრამატული თეატრის მსახიობია; მის მიერ შესრულებული როლებიდან აღსანიშნავია: ბუსიგინი (ა. ვამპილოვის "უფროსი შვილი"); ოლეგ კოშევოი (ა. ფადეევის "ახალგაზრდა გვარდია"); ის (ვ. კოტეტიშვილის "სამოთხის ვაშლები"); ჰეროსტრატი (გ. გორინის "დაუვიწყარი ჰეროსტრატე"); ჟადოვი (ა. ოსტროვსკის "შემოსავლიანი ადგილი"); ლეონიდ მარგოლინი (ა. სტავიცკის "შალომ ალეიხუმის ქუჩა 40"); ჩაცკი (ა. გრიბოედოვის "ვაი ჭკუისაგან"); კორბანი (რ. ტომას "მახე"); მიშელ სტარო (ა. კრისტის, რ. ტომას "ვერნეს სახლის საიდუმლო"); პლატონოვი (ა. კუპრინის "ორმო"); კორომისლოვი (ლ. ანდრეევის "ქალი"); კირილოვი (ა. ჩეხოვის "მტრები") და სხვ.

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.110

• 2001 - ღირსების ორდენი