ვლადიმერ გოლოევი

დაბადების ადგილი: სოფელი სარბიელი, დუშეთის მაზრა.

დაამთავრა ცხინვალის ორწლიანი სამასწავლებლო კურსები 1928 წელს; მოსკოვის ჟურნალისტიკის უმაღლესი კურსები 1935 წელს.

1928-1930წწ. იყო სოფელ სარბიელის დაწყებითი სკოლის მასწავლებელი; 1930-1931წწ. სოფელ სარბიელის კოლმეურნეობის მოანგარიშე; 1935-1937წწ. სტალინირის ოსური საოლქო გაზეთ "კომუნისტის" განყოფილების გამგე; 1937-1940წწ. ლენინგორის რაიონული გაზეთის პასუხისმგებელი რედაქტორი; 1940-1944წწ. სტალინირის (ცხინვალი) საოლქო გაზეთ "კომუნისტის" პასუხისმგებელი მდივანი; 1944-1949წწ. - საქართველოს რადიოკომიტეტის რწმუნებული სამხრეთ ოსეთში; 1949-1952წწ. სტალინირის საოლქო გაზეთ "კომუნისტის" პასუხისმგებელი რედაქტორი; 1952 წლიდან - სამხრეთ ოსეთის სახელგამის დირექტორი. ლიტერატურული მოღვაწეობა დაიწყო 1931-1940 წლებში. წერდა ნარკვევებს, მოთხრობებს, რომლებიც იბეჭდებოდა კრებულებში, ჟურნალებსა და გაზეთებში. 1952 წელს ცალკე წიგნად გამოვიდა მისი მოთხრობებისა და ნარკვევების წიგნი. მისი ნაწარმოებებია: "მწყემსი" (1950); "ბელადის სამშობლოში" (1950); "საჩუქარი"; "დაბრუნდა" (1950); "სამგორი" (1950) და სხვა.

წყარო: მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.374-378

• საქართველოს საბჭოთა მწერლების კავშირი, წევრი (1953-)