ნოდარ გიორგაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ეკონომიკური ფაკულტეტი.

ქართული ცეკვების ხელოვნებას ამიერკავკასიის რკინიგზის ბავშვთა მხატვრული აღზრდის სახლში ცნობილ პედაგოგსა და ქორეოგრაფ მ. ბახტაძესთან ეზიარა. 1950 წელს პერსპექტიული ახალგაზრდა მოცეკვავე ჯ. ბაგრატიონმა აფხაზეთის სახელმწიფო საესტრადო ორკესტრში მიიღო ქართული ცეკვების შემსრულებლად. 1952-1970 წლებში ნ. გიორგაძე, როგორც მოცეკვავე-მსახიობი აქტიურ და ნაყოფიერ მუშაობას ეწეოდა საქართველოს ხალხური ცეკვის სახელმწიფო ანსამბლში ი. სუხიშვილისა და ნ. რამიშვილის ხელმძღვანელობით. აქ მან გაიარა მოცეკვავის რთული, პროფესიული სკოლა და ქართული ცეკვების დახვეწილ შემსრულებლად ჩამოყალიბდა. დაკავებული იყო ანსამბლის რეპერტუარის ყველა საცეკვაო ნომერში, ინტენსიურად  მონაწილეობდა ანსამბლის ტრიუმფალურ საგასტროლო მოგზაურობაში. მიღებული აქვს საპატიო სიგელი. 

წყარო: საიუბილეო თარიღები: თეატრი, მუსიკა, კინო.- თბ., 2008.- გვ.134; ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988, გვ.186-187

• 1967 - საქართველოს დამსახურებული არტისტი
• 1958 - მედალი "შრომითი წარჩინებისთვის"
  მოსკოვში გამართულ საქართველოს ლიტერატურისა და ხელოვნების დეკადაზე გამოსვლისათვის