ამირან აბშილავა

დაბადებია ადგილი: ქ. ცხაკაია.

სწავლობდა შოთა რუსთაველის სახელობის თეატრალური ინსტიტუტის სარეჟისორო ფაკულტეტზე; დაამთავრა თბილისის სახელმწიფო უნივერსიტეტი 1951 წელს.

მუშაობდა ქ. ცხაკაიას თეატრში რეჟისორად, კულტურის სახლის დირექტორად და სამხატვრო ხელმძღვანელად; ხობის თეატრის დირექტორად და სამხატვრო ხელმძღვანელად; შემდეგ, რუსთაველის თეატრში რეჟისორ-ასისტენტად; თბილისის ცენტრალური კულტურის სახლის სამხატვრო ხელმძღვანელად. ლიტერატურული მუშაობა დაიწყო 1944 წელს. მისი ნაწარმოებები სისტემატურად ქვეყნდებოდა სალიტერატურო ჟურნალ-გაზეთებში, გამოდიოდა ცალკე წიგნებად. 1951-1953წწ. საქართველოს სხვადასხვა თეატრში იდგმებოდა მისი პიესები: "ჩვენთან მთებში" (დრამა 4 მოქმედებად), "ვაზისუბნელი ძმაკაცები" (კომედია 4 მოქმედებად). დაწერა საოპერო ლიბრეტო "თბილისის ვარსკვლავები". 1952 წელს გამოიცა მისი ლექსების კრებული "სიმღერა მშობლიურ ქალაქზე". ავტორია ლექსების, პიესებისა და პუბლიცისტური წერილების. ცალკეული ლექსები თარგმნილია რუსულ, გერმანულ და სხვა ენებზე.

წყარო: მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.598-601

• მოვდივარ ფაზისიდან!...დიდი ექსპერიმენტი პატარა ქალაქში : ნარკვევი ფოთზე (ავტორი). - თბილისი, საბჭ. საქართველო, 1984. - 246გვ.
• პიესები (ავტორი). - თბილისი, ხელოვანი, 1982. - 175გვ.
• საიდან იწყება სამშობლო... : პუბლიც. წერილები (ავტორი). - თბილისი, საბჭ. საქართველო, 1981. - 290გვ.
• ზღვის იქითა მხარეს : ბულგარული ჩანაწერები (ავტორი). - თბილისი, საბჭ. საქართველო, 1966. - 99გვ.
• კარდანახული ბალადა : იუმორისტული მოთხრობები (ავტორი). - თბილისი, საქ. კპ ცკ-ს გამ-ბა, 1958. - 61გვ.
• სიმღერა მშობლიურ ქალაქზე (ავტორი). - თბილისი, საბლიტგამი, 1952. - 120გვ.