მორის როსტიაშვილი

დაბადების ადგილი: ქ. თბილისი.  

დაამთავრა საქართველოს ტექნიკური უნივერსიტეტი 2019 წელს.

წერა დაიწყო 24 წლისამ; 2017 წელს დაიბეჭდა მისი პირველი რომანი - "თეატრალური იმპერია უანტრაქტოდ", სიუჟეტი ვითარდება გასული საუკუნის 30-იან წლებში და მოგვითხრობს რეპრესირებული მშობლების გამო მიმალვაში მყოფი ახალგაზრდა კაცის განცდებს, ემოციებს, თავგადასავალს, რასაც თანამედროვე თინეიჯერი რეპრესიების მსხვერპლის დღიურში კითხულობს; 2018 წელს გამოიცა მოთხრობების კრებული "ასეთ რამესაც წერენ", რომელიც საქართველოს უახლესი წარსულის პოლიტიკური კატაკლიზმებისა და ბოლო დროს რეალობაში გამეფებული მოუგვარებელი პრობლემების გამოძახილია; წიგნში შესულია პუბლიცისტიკა, მხატვრული და დოკუმენტური პროზა; 2021 წელს დაიბეჭდა მეორე რომანი "ცოდვის საზღაური", სადაც ავტორი რეალობის ასახვით ცდილობს მკითხველს დაანახოს ირგვლივ არსებული შეუსაბამობა, უსამართლობა, წინააღმდეგობრივი ურთიერთობები და ტრაგედიის შედეგად შეცვლილ რეალობასთან შეგუების ტრაგიზმი. ნაყოფიერი შემოქმედებითი მოღვაწეობისათვის 2023 წელს პატრიოტულ თემებზე შექმნილი ნაწარმოებებისთვის დასახელებული იყო დავით აღმაშენებლის სახელობის პრემია -  "ძლევაი საკვირველის" ნომინანტად; 2024 წელს დაიბეჭდა ფილოსოფიური რომანი, "ლავანდის სურნელი". ნაწარმოები მოგვითხრობს ქალისა და მამაკაცის ურთიერთობაზე, რომელსაც თან სდევს სევდიანი, მაგრამ ნათელი, ნოსტალგიური და ტკივილნარევი ატმოსფერო. რომანში სიყვარული, დანაკარგი და მეხსიერება ერწყმის ერთმანეთს. სიუჟეტი წარსულსა და აწმყოს შორის მერყეობს და გვიჩვენებს, როგორ ძლიერ მოქმედებს წარსული ადამიანის დღევანდელობაზე; 2025 წელს წიგნი წარდგენილი იყო პარიზისა და ბაქოს საერთაშორისო ფესტივალებზე. 2011 წლიდან მუშაობს სახელმწიფო სამხედრო სამეცნიერო ტექნიკურ ცენტრ "დელტაში"; 2023 წელს მიენიჭა ინჟინერიის მაგისტრის აკადემიური ხარისხი.

წყარო: მორის როსტიაშვილის მიერ მოწოდებული ბიოგრაფიული მონაცემები.

• საქართველოს მწერალთა შემოქმედებითი კავშირი, წევრი (2017-)

• 2023 - დავით აღმაშენებლის სახელობის პრემია, "ძლევაი საკვირველი"
  ნაყოფიერი შემოქმედებითი მოღვაწეობისთვის პატრიოტულ თემებზე შექმნილი ნაწარმოებებისთვის
• 2022 - ექვთიმე თაყაიშვილის სახელობის ღირსების ორდენი
• 2019 - პრემია "ივერია", "ქართული ელიტის წლის პროზაიკოსი" (წმინდა ილია მართლის (ჭავჭავაძის) გაზეთ ივერიის სახელობის პროზა-პოეზიის საერთაშორისო პრემია)

• ლავანდის სურნელი : რომანი (ავტორი). - თბილისი, მწიგნობარი, 2024. - 196გვ.. - ISBN: 9789941508981
• ცოდვის საზღაური : რომანი (ავტორი). - თბილისი, მწიგნობარი, 2021. - 243გვ.. - ISBN: 978-9941-498-24-4