ლიზა ბაგრატიონ-მუხრანელი

დაიბადა სახელმწიფო მრჩევლის, კამერჰერისა და კავკასიის მეფისნაცვლის განსაკუთრებულ საქმეთა მოხელის ალექსანდრე მიხეილის ძე ბაგრატიონ-მუხრანელის (1856-1935) და ნინო იოსების ასულ თარხან-მოურავის (1860-1934) ოჯახში. მისი და-ძმები იყვნენ მიხეილი, ანასტასია, გიორგი და კონსტანტინე.
1899 წლის 23 ოქტომბერს 19 წლის ელისაბედი დაქორწინდა თავად ბორის სერგეის ძე შერემეტიევზე (1871-1952) და შეეძინა 2 შვილი: სერგეი შერემეტიევი (1900-1996) (დაიბადა თბილისში), ტატიანა შერემეტიევა-ფაბერჟე (დაიბადა 1901 წელს) (დაიბადა თბილისში). ელისაბედი შერემეტიევს დაშორდა და სამკურნალოდ საზღვარგარეთ წავიდა. 1914 წლის 14 აპრილს ის დაქორწინდა მარკო მორიცო დე ლა როკაზე (1881-1945). მასთან შვილები არ ჰყავდა. ელისაბედი გარდაიცვალა ერთი წლის შემდეგ 1915 წლის 8 აპრილს. ის იყო ტატიანა ფაბერჟეს ბებია. დიდგვაროვანი მუხრანბატონების სახლიდან.

წყარო: ვინ იყო ულამაზესი ელისაბედ ბაგრატიონი და რა აკავშირებდა ცნობილ იუველირთან - ფაბერჟესთან / მანანა გაბრიჭიძე // კვირის პალიტრა .-2023.-10 სექტემბერი; მუხრანბატონთა გენეალოგიური ტაბულა / იური ჩიქოვანი, სოსო ბიჭიკაშვილი, დავით ნინიძე // არტანუჯი. - თბილისი, 1996. - N5. - გვ.28-36