ალექსანდრე კიკნაძე

დაბადების ადგილი: სოფელი წითელხევი, ახლანდელი ბაღდათის მუნიციპალიტეტი.

დაამთავრა ქ. სანქტ-პეტერბურგის უმაღლესი სამხედრო-პოლიტიკური სასწავლებელი 1991 წელს; უკრაინის თავდაცვის ნაციონალური აკადემია 2002 წელს; აშშ "არმიის ომის კოლეჯის" კურსი 2018 წელს.

1991 წლიდან ეკავა სხვადასხვა სამეთაურო და ადმინისტრაციული თანამდებობა საქართველოს ეროვნულ გვარდიაში, საქართველოს შსს შინაგან ჯარებში, საქართველოს თავდაცვის სამინისტროს შეიარაღებულ ძალებში; 2004–2005წწ. იყო სამშვიდობო ძალების წარმომადგენლობის მეთაური ცხინვალის რეგიონში; 2005–2006წწ. ეროვნული სასწავლო ცენტრ "კრწანისის" მეთაური; 2005 წელს საქართველოს შეიარაღებული ძალების გენშტაბის უფროსის მოადგილე; 2007–2008წწ.  III ქვეითი ბრიგადის მეთაურის მოადგილე ერაყში; 2008–2009წწ. წვრთნებისა და სამხედრო განათლების სარდლობის შტაბის უფროსი; 2009 წელს სახმელეთო ჯარების სარდლის მოადგილე; 2009–2010წწ. ჯარების ლოჯისტიკური უზრუნველყოფის სარდლობის შტაბის უფროსი; 2010–2011წწ. წვრთნებისა და სამხედრო განათლების სარდლის მოადგილე; 2012–2013წწ., 2015–2016წწ. ავღანეთში საქართველოს სამშვიდობო ძალების წარმომადგენლობის მეთაური; 2013–2015წწ. აღმოსავლეთ ოპერატიული დაჯგუფების სარდალი; 2018 წელს გენშტაბის პერსონალის დეპარტამენტის უფროსი; 2018–2020წწ. საქართველოს თავდაცვის ძალების აღმოსავლეთის სარდალი; 2020 წლიდან  სამხედრო ატაშე შვედეთის, ნორვეგიისა და დანიის სამეფოებში.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; რადიო თავისუფლება: radiotavisupleba.ge;  საქართველო: ენციკლოპედია: ტ.5. -თბ.,2023. -გვ. 28-29

• 2013 - ბრწყინვალების საპრეზიდენტო ორდენი
• 2012 - ღირსების ორდენი
• 2004 - ვახტანგ გორგასლის III ხარისხის ორდენი