დიმიტრი ყორანაშვილი

დაბადების ადგილი: ქ. ცხინვალი.

1941 წელს სწავლობდა ბორჯომის სახელოსნო სასწავლებელში; 1939-1940 წლებში კი კრიხელის ქორეოგრაფიულ სტუდიაში.

1950-1953 წლებში ხელმძღვანელობდა ცხინვალის კულტურის სახლის ქორეოგრაფიულ ანსამბლს; 1955 წლიდან ცხინვალის თეატრის ქართული დასის მსახიობია; მის მიერ შესრულებული როლებიდან აღსანიშნავია: მიხო (ვ. კანდელაკის "მაია წყნეთელი"), ივანე (ვაჟა-ფშაველას "მოკვეთილი"), ღვთისო (ი. ჭაჭავაძის "გლახის ნაამბობი"), ტიმოთე (ავქ. ცაგარელის "ხანუმა"), ვატა (პ. კაკაბაძის "კოლმეურნის ქორწინება"), სილვესტრო (მოლიერის "სკაპენის ოინები"), მოშიაშვილი (ნ. დუმბაძის "საბრალდებო დასკვნა"), გიგა (ა. სუმბათაშვილის "ღალატი") და სხვა.

წყარო: 2007 წლის საიუბილეო თარიღები: თეატრი, მუსიკა, კინო, ქორეოგრაფია.- თბ., 2007.- გვ.52

• 1978 - საქართველოს დამსახურებული არტისტი