იაგო კილაძე

დაბადების ადგილი: ქ. საჩხერე.

მსოფლიო კრივის ასოციაციის (WBA) მიერ აღიარებულია ხუთგზის ინტერკონტინენტურ ჩემპიონად; საქართველოს ნაკრების წევრი (2003); 2007 წლიდან უკრაინის სახელით იბრძვის პროფესიულ რინგზე; სამგზის ინტერკონტინენტური ჩემპიონი ახალგაზრდებს შორის (2009–2010, WBC); 2011 წელს მოიპოვა და ოთხჯერ (2011–2012) შეინარჩუნა ინტერკონტინენტური ჩემპიონის ტიტული (WBA); აღიარებულია ევროპის ერთ-ერთ უძლიერეს მოკრივედ მძიმე წონაში. პროფესიულ რინგზე ჩაატარა 34 შეხვედრა (27 მოგება, აქედან 19 – ნოკაუტით, 1 ფრე, 6 წაგება). მოკრივე.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 37-38