მერაბ კილაძე

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტი 1980 წელს.

1984–1996წწ. მუშაობდა ქირურგიის სამეცნიერო-კვლევით ინსტიტუტში სხვადასხვა თანამდებობაზე; 1996–2003წწ. ხელმძღვანელობდა II ქირურგიულ კლინიკას; 1987–1988წწ. მუშაობდა მეიოს (როჩესტერი, აშშ) კლინიკაში; 1988–1992წწ. ტოკიოს (იაპონია) ეროვნულ ონკოლოგიურ ცენტრში; მიუნხენის უნივერსიტეტის ქირურგიულ კლინიკაში (გერმანია); 1988–1992წწ. მოსკოვის ქირურგიის საკავშირო სამეცნიერო ცენტრში; 2000–2005წწ. ვიურცბურგის და ფრანკფურტის (გერმანია) უნივერსიტეტის ქირურგიულ კლინიკებში; 2003–2011წწ. იყო ო. ღუდუშაურის სახელობის ეროვნული სამედიცინო ცენტრის ქირურგიული დეპარტამენტის ხელმძღვანელი; 2011–2021წწ. საქართველო-ისრაელის ერთობლივი კლინიკა "გიდმედის" ქირურგიული სამსახურის უფროსი; 2021 წლიდან ხელმძღვანელობს თბილისის "ამერიკულ ჰოსპიტალში" ქირურგიულ დეპარტამენტს; 1995 წლიდან არის თბილისის სახელმწიფო უნივერსიტეტის პროფესორი; 2006 წლიდან კლინიკური ქირურგიის კათედრის გამგე; 2016–2017წწ. იყო გ. მუხაძის სახელობის საქართველოს ქირურგთა საზოგადოების თავმჯდომარე, არის ამერიკისა და ქირურგთა საერთაშორისო კოლეგიების, ევროპის ქირურგთა და ონკოლოგთა საზოგადოებების და რუსეთის ქირურგთა ასოციაციის წევრი. არის სამეცნიერო ნაშრომების, მ. შ. 3 მონოგრაფიის ავტორი, რომლებიც ეხება ონკოლოგიის, ზოგადი ქირურგიის, მიკროქირურგიისა და ტრანსპლანტოლოგიის აქტუალურ საკითხებს. ქირურგი, მედიცინის მეცნიერებათა დოქტორი (1992), პროფესორი (2000). მიღებული აქვს სახელმწიფო ჯილდოები. 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; ამერიკული ჰოსპიტალი. თბილისი: ahtbilisi.com; საქართველო: ენციკლოპედია: ტ.5. -თბ.,2023. -გვ. 38-39

• ამერიკისა და ქირურგთა საერთაშორისო კოლეგიები, წევრი
• გ. მუხაძის სახელობის საქართველოს ქირურგთა საზოგადოება, თავმჯდომარე (2016-2017)
• ევროპის ქირურგთა და ონკოლოგთა საზოგადოება, წევრი
• რუსეთის ქირურგთა ასოციაცია, წევრი

• 2024 - თბილისის საპატიო მოქალაქე
• 2014 - ბათუმის საპატიო მოქალაქე
• 2001 - ღირსების ორდენი