შალვა კინწურაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტი 1930 წელს.

1939–1945წწ. იყო II მსოფლიო ომის მონაწილე; 1939–1942წწ. თბილისის ფიზიკური კულტურის სახელმწიფო ინსტიტუტის ჰიგიენის, 1948წწ. თბილისის სახელმწიფო სამედიცინო ინსტიტუტის შრომის ჰიგიენის კათედრის გამგე; 1943 წლიდან შრომის ჰიგიენისა და პროფესიული დაავადებათა სამეცნიერო-კვლევითი ინსტიტუტის შრომის ჰიგიენის განყოფილების გამგე, 1949–1952წწ. ამავე ინსტიტუტის დირექტორი. იკვლევდა შრომის ჰიგიენისა და პროფესიულ დაავადებათა აქტუალურ საკითხებს; სამრეწველო და სასოფლო-სამეურნეო წამყვანი დარგების მუშაკთა შრომის პირობების გაუმჯობესების, ავადობის გამოვლენისა და მათ წინააღმდეგ ბრძოლის საშუალებების მეთოდური ნორმატივების დადგენის საკითხებს. შეადგინა ჰიგიენის პირველი ქართული სახელმძღვანელო. მიღებული აქვს სახელმწიფო ჯილდოები. ექიმ-ჰიგიენისტი, მედიცინის მეცნიერებათა დოქტორი (1948). 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 60

• მოზარდი მუშის პირადი ჰიგიენა (ავტორი). - თბილისი, საბჭოთა საქართველო, 1959. - 21გვ.
• შრომის ჰიგიენა : ზოგადი კურსი (ავტორი). - თბილისი, საქმედგამი, 1957. - 260გვ.
• სანიტარული წესები საწარმოსათვის (ავტორი). - თბილისი, საქმედგამი, 1948. - 52გვ.
• შრომისა და პირადი ჰიგიენა : პროგრამა სახელოსნო, რკინიგზის და საფაბრიკო-საქარხნო სკოლებისათვის (ავტორი). - თბილისი, საქმედგამი, 1947. - 16გვ.
• სანიტარული წესები საწარმოსათვის (ავტორი). - თბილისი, საქმედგამი, 1942. - 60გვ.