დემურ კირთაძე

დაბადების ადგილი: სოფელი ხომული, წყალტუბოს მუნიციპალიტეტი.

დაამთავრა მოსკოვის ი. მ. სეჩენოვის სახელობის სამედიცინო ინსტიტუტი 1974 წელს.

1974–1975წწ. მუშაობდა №20 კლინიკური საავადმყოფოს ქირურგიულ განყოფილებაში; 1975–1978წწ. №13 კლინიკური საავადმყოფოს ტრავმატოლოგად; 1978–1980წწ. მოსკოვის I სამედიცინო ინსტიტუტში, თავდაპირველად – ზოგადი ქირურგიის კათედრაზე აკად. ვ. სტრუჩკოვის ხელმძღვანელობით, შემდეგ, 1980–1988წწ. ოპერაციული ქირურგიის კათედრაზე (ხელმძღვ. ი. სეჩენიკოვი), პარალელურად მუშაობდა მოსკოვის №7 კლინიკური საავადმყოფოს სისხლძარღვთა ქირურგიაში (ხელმძღვ. ვ. პეტროვი). 1988–1989წწ. იყო №78 პოლიკლინიკის ქირურგიული განყოფილების გამგე, დაინიშნა მედიცინის - სან. ნაწილის №4 მთავარ ექიმად; 1991 წლიდან ხელმძღვანელობს მოსკოვის, ომის ვეტერანთა №1 მრავალპროფილურ ჰოსპიტალს (2017 წლიდან – პრეზიდენტი). არის სამეცნიერო ნაშრომების ავტორი, რომლებიც ეხება ზოგადი ქირურუგიის და ანგიოლოგიის აქტუალურ საკითხებს. არის 2 გამოგონებისა და რაციონალიზატორული წინადადების ავტორი. მიღებული აქვს რუსეთის ფედერაციის სახელმწიფო ჯილდოები და მედლები. რუსეთის ფედერაციის დამსახურებული ექიმი (1997), მედიცინის მეცნიერებათა დოქტორი (1995), პროფესორი (1998). ანგიოქირურგი. 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 61-62

• საერთაშორისო ანგიოლოგიის კავშირი, წევრი (1997-)
• სამედიცინო-ტექნოლოგიების აკადემია, ნამდვილი წევრი (1997-)