ვალერიან კობახია

დაბადების ადგილი: სოფელი ლიხნი, გუდაუთის მუნიციპალიტეტი.

დაამთავრა სოხუმის სახელმწიფო პედაგოგიური ინსტიტუტი 1951 წელს; 1960–1962წწ. იყო სკკპ ცკ-თან არსებული უმაღლესი პარტიული სკოლის მსმენელი.

მუშაობდა სკოლაში პედაგოგად. 1954 წლიდან ჩაბმული იყო კომკავშირულ საქმიანობაში: იყო გუდაუთის კომკავშირის რაიკომის მეორე, შემდეგ – პირველი მდივანი. 1955 წელს აირჩიეს საქართველოს ალკკ აფხაზეთის საოლქო კომიტეტის მდივნად, 1958 წელს პირველ მდივნად, ხოლო იმავე წელს – გუდაუთის რაიონის მშრომელთა დეპუტატების საბჭოს აღმასკომის თავმჯდომარედ. 1962 წლიდან იყო კომპარტიის გუდაუთის რაიკომის პირველი მდივანი. 1963–1965წწ. საქართველოს კპ გუდაუთის კოლმეურნეობებისა და საბჭოთა მეურნეობების საწარმოო სამმართველოს პარტიული კომიტეტის მდივანი; 1965–1975წწ. პარტიის აფხაზეთის საოლქო კომიტეტის პირველი მდივანი; 1975–1978წწ. საქ. კპ აფხაზეთის ასსრ უზენაესი საბჭოს პრეზიდიუმის მდივანი; 1978–1990წწ. აფხაზეთის ასსრ უზენაესი საბჭოს პრეზიდიუმის თავმჯდომარე. 1990 წ. 25 აგვისტოს მან ხელი მოაწერა დეკლარაციას აფხაზეთის სახელმწიფო სუვერენიტეტის შესახებ. 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; the-new-order-last-days-of-europe.fandom.com; საქართველო: ენციკლოპედია: ტ.5. -თბ.,2023. -გვ. 95-96