ნიკოლოზ კობახიძე

დაბადების ადგილი: სოფელი ახალსოფელი, ახლანდელი ამბროლაურის მუნიციპალიტეტი.

დაამთავრა საქართველოს ზოოტექნიკურ-სავეტერინარო ინსტიტუტი 1936 წელს.

1937–1939წწ. იყო საქართველოს მიწათმოქმედების სახალხო კომისარიატის უმაღლესი და საშუალო სპეციალური სასწავლებლების სამმართველოს უფროსი; 1944–1946წწ. საქართველოს ზოოტექნიკურ-სავეტერინარო ინსტიტუტის სოფლის მეურნეობის წარმოების ეკონომიკისა და ორგანიზაციის კათედრის თანამშრომელი; 1946–1988წწ. ამავე კათედრის გამგე. იკვლევდა სასოფლო-სამეურნეო დარაიონებისა და მთიანი რეგიონების სოფლის მეურნეობის სპეციალიზაციის, მიკროდარაიონებისა და ტიპიზაციის საკითხებს. არის 2 მონოგრაფიისა და სხვა სამეცნიერო შრომების ავტორი. ეკონომიკის მეცნიერებათა დოქტორი (1974), პროფესორი (1974).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 99

• 1983 - საქართველოს მეცნიერებათა დამსახურებული მოღვაწე