მიხეილ კობიაშვილი

დაბადების ადგილი: თბილისის გუბერნია.

დაამთავრა ვორონეჟის მიხეილის კადეტთა კორპუსი 1882 წელს და ელიზავეტგრადის კავალერიის სასწავლებელი 1884 წელს.

1881 წლიდან მსახურობდა ჯარში. 1904–1905წწ. მონაწილეობდა რუსეთ-იაპონიის ომში. 1911 წელს მიენიჭა პოლკოვნიკის წოდება. 1913–1916წწ. მეთაურობდა დაღესტნის ცხენოსანთა პოლკს; 1916–1918წწ. კავკასიის ცხენოსანი დივიზიის I ბრიგადას. მონაწილეობდა I მსოფლიო ომში, 1918 წლიდან თეთრ გვარდიელთა მოძრაობაშია. 1920 წლიდან ემიგრაციაში წავიდა. ხელმძღვანელობდა სევერსკის დრაგუნთა საზოგადოებბას ბელგრადში. რუსეთის იმპერიის არმიის გენერალ-მაიორი (1916), დაჯილდოებულია წმინდა ვლადიმირის, წმინდა ანას სხვადასხვა ხარისხის ორდენებით, აგრეთვე წმინდა გიორგის იარაღით.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; MEMATIANE.GE: შექმენი საკუთარი ისტორია: mematiane.ge; საქართველო: ენციკლოპედია: ტ.5. -თბ.,2023. -გვ. 102