ვასილ კოკოევი

დაბადების ადგილი: დაბა ჯავა, ახლანდელი ჯავის მუნიციპალიტეტი.

დაამთავრა მოსკოვის უმაღლესი სამხატვრო-სამრეწველო სასწავლებელი 1949 წელს.

მუშაობდა ქანდაკების დარგში. შექმნა არაერთი სკულპტურული ნამუშევარი, რომლებიც საქართველოს სახელმწიფო სურათების (ახლანდელი დ. შევარდნაძის სახელობის ეროვნული გალერეა) გალერეისა და ცხინვალის მუზეუმის ფონდებში ინახება. მისი ნამუშევრები ("მუშის პორტრეტი", 1959; "ქალიშვილის პორტრეტი", 1966; "შებრძოლება", 1975 და სხვ.) ძირითადად თანამედროვეობას, ადამიანებს, საყურადღებო ფაქტებსა თუ მოვლენებს ეძღვნება.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 115

• 1965 - საქართველოს დამსახურებული მხატვარი