ნიკოდიმე კონდაკოვი

დაბადების ადგილი: სოფელი ხალანი, ნოვი-ოსკოლის მაზრა, კურსკის გუბერნია.

დაამთავრა მოსკოვის უნივერსიტეტი 1865 წელს.

1870–1888წწ. ასწავლიდა ოდესის, ნოვოროსიისკის უნივერსიტეტებში; 1888–1917წწ. სანქტ-პეტერბურგის უნივერსიტეტში; 1920 წლიდან წავიდა ემიგრაციაში. თავდაპირველად ცხოვრობდა კონსტანტინოპოლში, შემდეგ – სოფიაში; 1922 წლიდან ასწავლიდა პრაღის უნივერსიტეტში. უმთავრესად იკვლევდა ბიზანტიური და ძველი რუსული ხელოვნების ძეგლებს. დაამუშავა ხელოვნების ნაწარმოებთა შესწავლის იკონოგრაფიული მეთოდი, ანალიზი გაუკეთა ძეგლთა ტიპოლოგიურ თავისებურებებს. სწავლობდა ქართულ ძეგლებს, აინტერესებდა მათი მიმართება ბიზანტიურ კულტურასთან. ზოგიერთი შეცდომის მიუხედავად, ქართული ხელოვნების შესწავლა მაღალ მეცნიერულ დონეზე აიყვანა. მისი ნაშრომი "საქართველოს ზოგიერთ ტაძარსა და მონასტერში დაცულ სიძველეთა ძეგლების აღწერილობა" დღესაც ინარჩუნებს გარკვეულ მეცნიერულ ღირებულებას. 1918 წლის 27 თებერვალს აირჩიეს თბილისის სახელმწიფო უნივერსიტეტის საპატიო დოქტორად. რუსი ხელოვნების ისტორიკოსი, სანქტ-პეტერბურგის მეცნიერებათა აკადემიის აკადემიკოსი (1898).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 145

• პეტერბურგის სამხატვრო აკადემია, წევრი (1893-)

• Иконография богоматери (ავტორი) // Т.2. - Санкт-Петербург, Отд-ние рус. яз. и словесности Имп. Акад. наук, 1915. - 452с.
• Иконография богоматери (ავტორი) // Т.1. - Санкт-Петербург, Отд-ние рус. яз. и словесности Имп. Акад. наук, 1914. - 387с.
• Опись памятников древности в некоторых храмах и монастырях Грузии : с 82 рисунками в тексте (შემდგენელი). - Москва, 1890. - 179с.
• Древняя архитектура Грузии : Исследование (ავტორი). - Москва, Синод, 1876. - 60с.