ევგენი კოტლიაროვი

დაბადების ადგილი: სოფელი ოსტროვი, ლენინგრადის ოლქი, რუსეთი.

დაამთავრა თბილისის სამხატვრო აკადემიის ფერწერის ფაკულტეტი 1963 წელს.

1963–1984წწ. მუშაობდა ს. ჭანბას სახელობის სოხუმის დრამატული თეატრის მთავარ მხატვრად; 1978 წელს მონაწილეობდა "საქართველოს თეატრისა და კინოს მხატვართა ნამუშევრების" გამოფენაში (საქართველოს სურათების გალერეა; ახლანდ. დ. შევარდნაძის სახ. ეროვნული გალერეა). ეწეოდა პედაგოგიურ მოღვაწეობას სოხუმის სამხატვრო სასწავლებელში. მისი გაფორმებულია სპექტაკლები: "ოტელო", "რომეო და ჯულიეტა" (შექსპირი; ორივე 1963), "ოიდიპოს მეფე" (სოფოკლე; 1965), "მარია ტიუდორი" (ვ. ჰიუგო; 1968), "კლდის სიმღერა" (ბ. შინკუბა; 1969), "დონ კარლოსი" (ფ. შილერი; 1970), "ხიმკვარასა" (ი. ჯოპუა; 1972) და სხვ. გარდა სცენოგრაფიისა  ნაყოფიერად მუშაობდა ფერწერის დარგში (პორტრეტი, პეიზაჟი, ნატიურმორტი). სცენოგრაფი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; აფხაზეთის ინტერნრტ-ბიბლიოთეკა: apsnyteka.org; საქართველო: ენციკლოპედია: ტ.5. -თბ.,2023. -გვ.191

• 1965 - აფხაზეთის ავტონომიური რესპუბლიკის დამსახურებული მხატვარი