ზაქრო კრაწაშვილი

დაბადების ადგილი: ქ. სიღნაღი.

დაამთავრა თბილისის სახელმწიფო სამხატვრო აკადემიის ქანდაკების ფაკულტეტი 1942 წელს.

1949 წლიდან მონაწილეობდა სამხატვრო გამოფენებში. ძირითადი ნამუშევრები "ვერიკო ანჯაფარიძე" (1951); "მშენებელი ქალი" (1959); "ევროპის ჩემპიონი ელენე გოკიელი" (1960); "სანდრო შანშიაშვილი" (1961, ბიუსტი); "ავლიპ ზურაბაშვილი" (1960); "სიმონ ყაუხჩიშვილი" (1970, ბიუსტი, მარმარილო); მ. გორკის ძეგლი ფასანაურში (1981, ბრინჯაო); "გარდაქმნა", "თავისუფლება", "თეთრი ზოლი", "სამყარო", "ბედნიერი", "მზისაკენ" (1990–1998; ყველა ნამუშევარი შესრულებულია ხეზე) და სხვ. 1950 წლიდან პედაგოგად მუშაობდა პიონერთა და მოსწავლეთა სასახლეში (ამჟამად მოსწავლე-ახალგაზრდობის ეროვნული სასახლე).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; ეროვნული სასახლე: facebook.com; საქართველო: ენციკლოპედია: ტ.5. -თბ.,2023. -გვ.205

• 1997 - ღირსების ორდენი
• 1980 - საქართველოს დამსახურებული მხატვარი
• 1970 - საქართველოს დამსახურებული პედაგოგი