ივანე კუზნეცოვი

დაბადების ადგილი: ქ. ნალჩიკი.

დაამთავრა პეტროგრადის (ახლანდელი სანქტ-პეტერბურგი) სამთო ინსტიტუტი 1919 წელს.

1939 წლამდე მუშაობდა გეოლოგიის კომიტეტში, 1939–1946წწ. – სსრკ მეცნიერებათა აკადემიის გეოლოგიის ინსტიტუტში. 1941–1944წწ. ცხოვრობდა თბილისში, მონაწილეობდა ადგილობრივ გეოლოგიურ დაწესებულებების მუშაობაში. მისი უმთავრესი შრომები ეხება კავკასიის ტექტონიკისა და მაგმატიზმის საკითხებს. მანვე დააზუსტა კავკასიონის მეზოზოური ფიქლების სერიის სტრატიგრაფიის ძირითადი საკითხები, დაადგინა ძირულის მასივის ფილიტების წყების ადრინდელი კამბრიული ასაკი. რუსი გეოლოგი, კავკასიის მკვლევარი, გეოლიურ-მინერალოგიურ მეცნიერებათა დოქტორი (1942). 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; ინტერნეტ ენციკლოპედია "რუვიკი" : ru.ruwiki.ru;საქართველო: ენციკლოპედია: ტ.5. -თბ.,2023. -გვ.221