მერაბ ხალვაში

დაბადების ადგილი: ქ. ბათუმი.

დაამთავრა ბათუმის შოთა რუსთაველის სახელმწიფო უნივერსიტეტის ისტორიის ფაკულტეტი ისტორიის სპეციალობით 1996 წელს.

მუშაობა დაიწყო ბათუმის არქეოლოგიურ მუზეუმში მეცნიერ-თანამშრომლის თანამდებობაზე; 1996-1999წწ. სწავლობდა საქართველოს მეცნიერებათა ეროვნული აკადემიის ბათუმის ნიკო ბერძენიშვილის სახელობის სამეცნიერო-კვლევითი ინსტიტუტის მიზნობრივ ასპირანტურაში; 1998-2004წწ. მუშაობდა ბათუმის არქეოლოგიური მუზეუმის დირექტორის მოადგილედ სამეცნიერო ნაწილში; 2004-2005, 2015 წლებში დირექტორის თანამდებობაზე; პარალელურად ნიკო ბერძენიშვილის სახელობის სამეცნიერო-კვლევითი ინსტიტუტის არქეოლოგიის განყოფილების მეცნიერ-თანამშრომლად; 2000 წლიდან საქართველოს ძველ ისტორიასა და არქეოლოგიაში ლექციებს კითხულობს ბათუმის უნივერსიტეტში; 2004-2006წწ. ბსუ-ს  საქართველოს ისტორიის კათედრის დოცენტია; 2006-2022წწ. არჩეულია ასოცირებული პროფესორის, ხოლო 2022 წლიდან პროფესორის აკადემიურ თანამდებობაზე; 2005–2011წწ. მუშაობდა ბსუ-ს სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანის, ხოლო 2011-2015წწ. უნივერსიტეტის ხარისხის უზრუნველყოფის სამსახურის ხელმძღვანელის თანამდებობაზე; 2015-2016წწ. იყო რექტორის მოვალეობის შემსრულებელი; 2016 წლიდან უკავია ბათუმის შოთა რუსთაველის სახელმწიფო უნივერსიტეტის რექტორის თანამდებობა. გამოქვეყნებული აქვს 50-მდე სამეცნიერო ნაშრომი (მათ შორის რამდენიმე მონოგრაფია) ქართულ და უცხოურ ენებზე. მონაწილეობდა ფიჭვნარის, გონიო-აფსაროსის, ციხისძირის, ჩაქვის ჩაისუბანის, ზენდიდის, კოლოტაურის და სხვა არქეოლოგიურ ექსპედიციებში. 2024 წლიდან გონიო-აფსაროსის მუდმივმოქმედი საერთაშორისო  არქეოლოგიური ექსპედიციის ხელმძღვანელია. 

საკანდიდატო დისერტაციის თემა - "გვიანანტიკური და ადრებიზანტიური ხანის ქალაქებისა და საქალაქო ცხოვრება სამხრეთ-დასავლეთ საქართველოში", დაიცვა 2001 წელს.

წყარო: ბათუმის შოთა რუსთაველის სახელმწიფო უნივერსიტეტი: bsu.edu.ge

• აღმოსავლეთ შავიზღვისპირეთის წყალქვეშა არქეოლოგიის ძეგლები = Underwater Archaeological Monuments of the Eastern Black Sea : კატალოგი / ამირან კახიძე, მერაბ ხალვაში (Co-Author). - ბათუმი, შპს "ვისტა", 2022. - 54გვ.. - ISBN: 9789941834417