სიმონ აშხვაცავა

დაბადების ადგილი: სოფელი ლიხნი, გუდაუთის რაიონი.

დაამთავრა ტარტუს უნივერსიტეტი.

სიმონ აშხვაცავა ნიკო მართან და ივანე ჯავახიშვილთან ერთად მუშაობდა და მეცნიერული ანალიზით დაასკვნა, რომ არამარტო აფხაზებს, არამედ მთელ ჩრდილოეთ კავკასიას დამწერლობად ქართული ანბანი უნდა ჰქონოდა - "ასე არც ერთი ანბანი არ უხდება კავკასიურ ენებსო", აცხადებდა დიდი აფხაზი მეცნიერი. ერთი პერიოდი ეს საკითხი გადაწყვეტილადაც კი ითვლებოდა. სიმონ აშხვაცავა ოცნებობდა, წასულიყო შვეიცარიაში, დაემზადებინა შრიფტი და სოხუმში ჩამოეტანა. მან სოხუმში დააარსა ორი ინსტიტუტი, სადაც ბუნებისმეტყველებასა და ენათმეცნიერებას ასწავლიდა. ეწეოდა ლიტერატურულ საქმიანობას, დაწერა ორი პიესა აფხაზეთის ცხოვრებაზე "საფარ ბეი" და "ომარ ბეი", რომლებიც სოხუმის თეატრში დაიდგა. იყო სოხუმის ქალაქკომის თავმჯდომარის მოადგილე, აფხაზეთის განათლების მინისტრი. სხვადასვა დროს ეწეოდა სამეცნიერო, პედაგოგიურ და პარტიულ საქმიანობას. სიმონ აშხვაცავა დაქორწინებული იყო ცნობილი ქართველი საზოგადო მოღვაწის, ნიკოლოზ (კოლია) ერისთავის ქალიშვილზე, ნინა ერისთავზე (იუნკერ შალვა ერისთავის და). 1937 წლის ბოლოს სიმონ აშხვაცავა დააპატიმრეს. მას ბრალად ედებოდა: "1921 წლიდან ეწეოდა ლენინურ-სტალინური ნაციონალური პოლიტიკის წინააღმდეგ მიმართულ საქმიანობას; 1936 წელს გადაბირებული იქნა კონტრრევოლუციურ, ბურჟუაზიულ-ნაციონალურ ორგანიზაციაში, რომელიც მიზნად ისახავდა საბჭოთა კავშირის დამხობას და ბურჟუაზიულ-კაპიტალისტური წყობის დამყარებას, კონტრრევოლუციური და ნაციონალური მიზნებისათვის თავის ნაშრომებში ამახინჯებდა აფხაზეთის რეალურ ისტორიას; 1918 წლიდან ღიად გამოდიოდა საბჭოთა ხელისუფლების წინააღმდეგ, 1918-1920 წლებში ემხრობოდა სახალხო საბჭოში მენშევიკებს". დახვრიტეს 1938 წლის დასაწყისში, რეაბილიტირებული იქნა 1956 წელს. პირველი აფხაზი ენათმეცნიერი და არქეოლოგი.

წყარო: აფხაზებისთვისაც და ქართველებისთვისაც ერთნაირად საამაყო ადამიანი : აფხაზეთის ღირსეული შვილები // ილორი .-თბილისი, 2010.-16 მარტი.- N58 (119).-გვ.11; სტალინური სიები საქართველოდან : საქართველოს პარლამენტის ეროვნული ბიბლიოთეკა; მსოფლიო ისტორია ინტერნეტში: hrono.ru; ისტორიას ასე არ წერენ! / ვალერიან ზუხბაია // აია : სამეცნიერო-პოპულარული და სალიტერატურო ჟურნალი.-თბილისი, 2001.-N 9-10.-გვ.43-46

• Всесоюзный научно-исследовательский институт влажных субтропиков, его задачи и деятельность (ავტორი). - Сухум, "Сов. Абхазия" и "Апсны Капш", 1935. - 18 с.
• О состоянии промышленности ССР Абхазии и ее перспективах на ближайшее время : Докл... на 8-ом Всеабх. съезде профсоюзов 22 марта 1928 г. (ავტორი). - Сухум, "Сов. Абхазия" , 1928. - 32 с.
• Достижения советской власти к 10-летию Октября в области промышленности ССР Абхазии (ავტორი). - Сухум, "Сов. Абхазия"., 1927. - 15 с.
• [Возможно ли в Абхазии развитие промышленности : Докл. на 6-м Всеабхазском съезде профсоюзов 23-го янв. 1926 г. (ავტორი). - Сухум, Типо-лит. им. Ленина, 1926. - 19 с.
• Шесть месяцев работы ВСНХ Абхазии : Докл. С. Ашхацава на Пленуме Совпрофа Абхазии 5 июля 1925 г.. (ავტორი). - Сухум, 1925. - 13 с.
• Пути развития Абхазской истории : Доклад, читанный на 1-м Всес. краеведческом съезде в Абхазии 12 сент. 1924 г. С предисл. Н. Марра. (ავტორი). - Сухум, Наркомпрос Абхазии, 1925. - 47 с.
• Сафар-бей, владетель Абхазии : Ист. драма в 4 д. Переработка романа Д.Л. Мордовцева "Прометеево потомство" (ავტორი). - Сухум, тип. "Сухум. листка", 1912. - 27 с.