გიორგი კუპრეიშვილი

დაბადების ადგილი: სოფელი კოტიანეთი, ახლანდელი სენაკის მუნიციპალიტეტი.

1927 ჩააბარა თბილისის სახელმწიფო უნივერსიტეტში. 1929 წელს უნივერსიტეტის აგრონომიის ფაკულტეტის ბაზაზე დაარსდა საქართველოს სასოფლო-სამეურნეო ინსტიტუტი, რომელიც 1931 დაამთავრა. იმავე წელს, პარალელურად, სწავლების კურსი დაასრულა თბილისის საკავშირო სუბტროპიკული ინსტიტუტი.

1932–1933წწ. მუშაობდა საქართველოს სასოფლო-სამეურნეო ინსტიტუტში (შეთავსებით – ამიერკავკასიის უმაღლესი პარტიული სკოლის ლექტორად); 1933–1937წწ. ზუგდიდისა და გალის რაიონებში ეკავა სხვადასხვა თანამდებობა; 1937–1939წწ. იყო ჩაისა და სუბტროპიკული კულტურების ინსტიტუტის სოხუმის ფილიალის დირექტორი; 1939–1941წწ. სასოფლო-სამეურნეო ინსტიტუტის გამომცემლობის გამგე; 1946–1981წწ. მუშაობდა სასოფლო-სამეურნეო ინსტიტუტის ეკონომიკის კათედრაზე; იყო აგრონომ-ეკონომიკის პრობლემების მკვლევარი და ეწეოდა სამეცნიერო-პედადოდიურ მოღვაწეობას. არის სამეცნიერო ნაშრომების, მათ შორის 3 სახელმძღვანელოს ავტორი. მიღებული აქვს სახელმწიფო და საბრძოლო ჯილდოები. ეკონომიკის მეცნიერებათა დოქტორი (1967), პროფესორი (1969). II მსოფლიო ომის მონაწილე. 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.237

• მოწინავე კოლმეურნეობების ეკონომიკის ზოგიერთი საკითხი (ავტორი). - თბილისი, საბჭოთა საქართველო, 1973. - 91გვ.
• მებაღეობისა და მევენახეობის ორგანიზაცია კოლმეურნეობებში (თანაავტორი). - თბილისი, განათლება, 1965. - 244გვ.
• საბჭოთა მეურნეობის როლი სოციალისტური სოფლის მეურნეობის აღმავლობაში (ავტორი). - თბილისი, 1959. - 32გვ.
• კოლმეურნეობათა საზოგადოებრივი მეურნეობის განვითარება (ავტორი). - თბილისი, 1957. - 54გვ.
• სამტრედიის რაიონის სოფელ ეწერის სასოფლო-სამეურნეო არტელი (ავტორი). - თბილისი, სახელგამი, 1954. - 67გვ.